Finnast maurar í Vestmannaeyjum og annars staðar á Íslandi?

Nafn þitt

Netfang þitt

Netfang móttakanda

Ruslpóstvörn =

Svar

Finnast maurar í Vestmannaeyjum og annars staðar á Íslandi?
Svarið við þessari spurningu er einfalt: Já, það finnast maurar á Íslandi og vel getur verið að þeir hafi slæðst til Vestmannaeyja en þeir eru ekki mjög algengir.

Allt frá árinu 1994 hefur svonefndur blökkumaur (Lasius niger) fundist af og til hér á landi og árlega síðan 2002.

Maurinn hefur meðal annars fundist í Reykjavík og víðar á sunnan- og vestanverðu landinu. Í mörgum tilvikum hefur hann reynt að koma sér upp búum og hefur stundum gengið illa að uppræta þau. Líklega er hann orðinn landlægur á Íslandi en er þó háður húsakjóli manna og lifir ekki villtur í náttúrunni eins og víða erlendis.

Það er því ekki ósennilegt að spyrjandi hafi séð blökkumaur í Vestmannaeyjum.

Annars finnst blökkumaurinn allt umhverfis norðurhvel, frá norðurhluta Afríku og til 64°N í Skandinavíu.

Heimild, frekari fróðleikur og mynd:

• Blökkumaur - Lasius niger á vef Náttúrufræðistofnunar Íslands.
• Mynd: Black garden ant á Wikipedia. Höfundur myndar: Jens Buurgaard Nielsen. Birt undir Creative Commons Attribution-Share Alike 3.0 Unported og GNU Free Documentation leyfum.

---

Upprunalega hljóðaði spurningin svona:

Eru maurar á Íslandi (Vestmannaeyjum)? Ég hélt ekki en sá eitthvað sem virtist vera maur á rölti í innkeyrslunni hjá mér og líktist þeim sem ég sá út um allt á Kanaríeyjum fyrir nokkrum árum, það er svartur búkurinn samsettur úr þremur kúlum og með sex lappir.

...