Senda inn spurningu
Sólin Sólin Rís 05:19 • sest 21:35 í Reykjavík
Tunglið Tunglið Rís 25:18 • Sest 04:56 í Reykjavík
Flóð Flóð Árdegis: 07:07 • Síðdegis: 19:24 í Reykjavík
Fjaran Fjara Árdegis: 01:08 • Síðdegis: 13:14 í Reykjavík
Visit the English version

Flokkun:

Náttúruvísindi og verkfræði Lífvísindi: dýrafræði

Hversu lengi lifa flóðhestar?

Jón Már Halldórsson

Líkt og flestar aðrar dýrategundir ná flóðhestar (Hippopotamus amphibius) í haldi manna hærri aldri en þeir sem lifa villtir þar sem öldrunareinkenni reynast villtum dýrum erfið í samkeppni í náttúrunni. Sannarlega elsti flóðhestur sem sögur fara af í dýragörðum náði 67 ára aldri.

Sumarið 2012 komst flóðhesturinn Donna í fréttirnar. Hún var þá elsti lifandi flóðhestur í heimi en sofnaði svefninum langa í ágúst það ár. Donna kom í heiminn árið 1951 og náði því 61 árs aldri. Hún hlaut ekki náttúrlegan dauðdaga heldur var svæfð þar sem aldurinn var farinn að gera henni lífið leitt, hún orðin slæm af liðagigt og nýrun farin að gefa sig.

Flóðhesturinn Donna náði 61 árs aldri. Hún lifði mest allt sitt líf í Mesker dýragarðinum í Evansville í Indíana í Bandaríkjunum.

Flóðhestar eru langlífar skepnur og þroskast hægt. Karldýrin verða kynþroska á bilinu 6-12 ára og kvendýrin á aldrinum 7-13 ára. Öldrunareinkenni koma fram fljótlega á þrítugsaldrinum og venjulega verða dýragarðsdýrin ellikerlingu að bráð í kringum fertugt þótt mörg dýr ná fimmtugu.

Heimildir og mynd:

Höfundur

Jón Már Halldórsson

Jón Már Halldórsson

líffræðingur

Útgáfudagur

4.12.2012

Spyrjandi

Nanna Guðný Karlsdóttir

Efnisorð

Tilvísun

Jón Már Halldórsson. „Hversu lengi lifa flóðhestar?“ Vísindavefurinn, 4. desember 2012. Sótt 25. apríl 2024. http://visindavefur.is/svar.php?id=63446.

Jón Már Halldórsson. (2012, 4. desember). Hversu lengi lifa flóðhestar? Vísindavefurinn. Sótt af http://visindavefur.is/svar.php?id=63446

Jón Már Halldórsson. „Hversu lengi lifa flóðhestar?“ Vísindavefurinn. 4. des. 2012. Vefsíða. 25. apr. 2024. <http://visindavefur.is/svar.php?id=63446>.

Chicago | APA | MLA

Tengd svör

Þessi síða notar vafrakökur Nánari upplýsingar

Ég samþykki
Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Hversu lengi lifa flóðhestar?
Líkt og flestar aðrar dýrategundir ná flóðhestar (Hippopotamus amphibius) í haldi manna hærri aldri en þeir sem lifa villtir þar sem öldrunareinkenni reynast villtum dýrum erfið í samkeppni í náttúrunni. Sannarlega elsti flóðhestur sem sögur fara af í dýragörðum náði 67 ára aldri.

Sumarið 2012 komst flóðhesturinn Donna í fréttirnar. Hún var þá elsti lifandi flóðhestur í heimi en sofnaði svefninum langa í ágúst það ár. Donna kom í heiminn árið 1951 og náði því 61 árs aldri. Hún hlaut ekki náttúrlegan dauðdaga heldur var svæfð þar sem aldurinn var farinn að gera henni lífið leitt, hún orðin slæm af liðagigt og nýrun farin að gefa sig.

Flóðhesturinn Donna náði 61 árs aldri. Hún lifði mest allt sitt líf í Mesker dýragarðinum í Evansville í Indíana í Bandaríkjunum.

Flóðhestar eru langlífar skepnur og þroskast hægt. Karldýrin verða kynþroska á bilinu 6-12 ára og kvendýrin á aldrinum 7-13 ára. Öldrunareinkenni koma fram fljótlega á þrítugsaldrinum og venjulega verða dýragarðsdýrin ellikerlingu að bráð í kringum fertugt þótt mörg dýr ná fimmtugu.

Heimildir og mynd:...