Senda inn spurningu
Sólin Sólin Rís 05:19 • sest 21:35 í Reykjavík
Tunglið Tunglið Rís 25:18 • Sest 04:56 í Reykjavík
Flóð Flóð Árdegis: 07:07 • Síðdegis: 19:24 í Reykjavík
Fjaran Fjara Árdegis: 01:08 • Síðdegis: 13:14 í Reykjavík
Visit the English version

Flokkun:

Náttúruvísindi og verkfræði Orkumál

Hvort er stærra, Hálslón eða Blöndulón?

EDS

Samkvæmt upplýsingum á vef Landsvirkjunar eru Hálslón og Blöndulón mjög svipuð að flatarmáli þegar þau eru full, bæði um 57 km2. Svonefnt miðlunarrými þessara lóna er hins vegar langt frá því að vera það sama. Miðlunarrými Blöndulóns er 400 Gl (gígalítrar) en Hálslóns 2.100 Gl. Hálslón er þess vegna tæplega fimm sinnum stærra sé miðað við rúmmál þess vatns sem getur verið í lóninu.

Blöndulón.

Blöndustöð var tekin í notkun árið 1991. Blöndulón er myndað með stíflun Blöndu við Reftjarnarbungu og Kolkukvíslar við upptök hennar. Lónið var upphaflega minna, 41 km2 að flatarmáli og miðlunarrýmd þess 220 Gl. Árið 1996 var yfirfall lónsins hækkað og þá náði það núverandi stærð. Uppsett afl Blöndustöðvar er 150 MW og orkuvinnslugetan 910 GWh á ári.

Hálslón er myndað með Kárahnjúkastíflu, sem stíflar Jökulsá á Dal, og Desjarárstíflu. Framkvæmdir hófust við Kárahnjúkavirkjun árið 2003 og var aflstöðin í Fljótsdal komin í fullan rekstur árið 2007. Uppsett afl virkjunarinnar er 690 MW og tryggð orkuvinnslugeta er 4.600 GWh á ári.

Heimildir og mynd:

Höfundur

Emilía Dagný Sveinbjörnsdóttir

EDS

Útgáfudagur

13.3.2013

Spyrjandi

Þorsteinn Gunnar Jónsson

Efnisorð

Tilvísun

EDS. „Hvort er stærra, Hálslón eða Blöndulón?“ Vísindavefurinn, 13. mars 2013. Sótt 25. apríl 2024. http://visindavefur.is/svar.php?id=64492.

EDS. (2013, 13. mars). Hvort er stærra, Hálslón eða Blöndulón? Vísindavefurinn. Sótt af http://visindavefur.is/svar.php?id=64492

EDS. „Hvort er stærra, Hálslón eða Blöndulón?“ Vísindavefurinn. 13. mar. 2013. Vefsíða. 25. apr. 2024. <http://visindavefur.is/svar.php?id=64492>.

Chicago | APA | MLA

Tengd svör

Þessi síða notar vafrakökur Nánari upplýsingar

Ég samþykki
Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Hvort er stærra, Hálslón eða Blöndulón?
Samkvæmt upplýsingum á vef Landsvirkjunar eru Hálslón og Blöndulón mjög svipuð að flatarmáli þegar þau eru full, bæði um 57 km2. Svonefnt miðlunarrými þessara lóna er hins vegar langt frá því að vera það sama. Miðlunarrými Blöndulóns er 400 Gl (gígalítrar) en Hálslóns 2.100 Gl. Hálslón er þess vegna tæplega fimm sinnum stærra sé miðað við rúmmál þess vatns sem getur verið í lóninu.

Blöndulón.

Blöndustöð var tekin í notkun árið 1991. Blöndulón er myndað með stíflun Blöndu við Reftjarnarbungu og Kolkukvíslar við upptök hennar. Lónið var upphaflega minna, 41 km2 að flatarmáli og miðlunarrýmd þess 220 Gl. Árið 1996 var yfirfall lónsins hækkað og þá náði það núverandi stærð. Uppsett afl Blöndustöðvar er 150 MW og orkuvinnslugetan 910 GWh á ári.

Hálslón er myndað með Kárahnjúkastíflu, sem stíflar Jökulsá á Dal, og Desjarárstíflu. Framkvæmdir hófust við Kárahnjúkavirkjun árið 2003 og var aflstöðin í Fljótsdal komin í fullan rekstur árið 2007. Uppsett afl virkjunarinnar er 690 MW og tryggð orkuvinnslugeta er 4.600 GWh á ári.

Heimildir og mynd:

...