Hver voru vinsælustu svör ársins 2016 á Vísindavefnum?

Nafn þitt

Netfang þitt

Netfang móttakanda

Ruslpóstvörn =

Svar

Hver voru vinsælustu svör ársins 2016 á Vísindavefnum?
Vísindavefur HÍ birti 336 svör árið 2016. Auk þess var fjölmörgum fyrirspurnum svarað með því að vísa lesendum á efni sem til er og sumum spurningum var svarað beint, bæði með tölvupósti og símtölum. Heildarfjöldi birtra svara á Vísindavefnum var 11.415 í árslok 2016.

Það er rétt að taka fram að oft munar ekki miklu á „mest lesna“ svarinu og öðrum svörum sem margir lesendur skoða. Ekki er óalgengt að á hverjum degi séu rúmlega 3.000 svör opnuð á Vísindavefnum og í einum mánuði getur talan nálgast 11.000 sem fer nærri heildarfjölda svara á Vísindavefnum! Meðalfjöldi gesta í hverjum mánuði er um 93.000.

En til að gefa lesendum hugmynd um hver voru vinsælustu svör ársins 2016 birtum við hér lista yfir mest lesnu nýju svörin í hverjum mánuði, ásamt upplýsingum um höfunda. Fyrir neðan þennan lista er svo hægt að skoða önnur svör sem einnig voru mikið lesin á Vísindavefnum.

Mánuður	Svar	Höfundur
Janúar	Af hverju heita parísarhjól þessu nafni? Á ensku kallast þau Ferris wheel	Guðrún Kvaran
Febrúar	Hvað hefðu Svavars-samningarnir kostað ef þeir hefðu verið samþykktir?	Hersir Sigurgeirsson
Mars	Er það rétt að sálin hafi massa og við léttumst um 21 g eftir dauðann?	Atli Jósefsson
Apríl	Af hverju má ekki setja góða hnífa í uppþvottavél, gerir vélin eitthvað annað en uppþvottabursti og sápa?	Óskar Rudolf Kettler
Maí	Getur fólk verið af millikyni?	Sigríður Rut Franzdóttir
Júní	Var einu sinni íslaus dalur í miðjum Vatnajökli?	Helgi Björnsson
Júlí	Það hefur myndast togstreita á milli mín og mannsins mín, því ég nota orðið ristavél. Er orðið ekki til?	Guðrún Kvaran
Ágúst	Hvers vegna eru fríhafnir til?	Jóhannes Hraunfjörð Karlsson og Þórólfur Matthíasson
September	Hvaða breytingar hafa orðið á tekjutengingu ellilífeyris frá apríl 2013 til september 2016?	Þórólfur Matthíasson
Október	Er það rétt hjá heilbrigðisráðherra að heilbrigðisþjónusta sé hvergi gjaldfrjáls í nágrannalöndum okkar?	Rúnar Vilhjálmsson
Nóvember	Höfðu kennarar og þingmenn einu sinni sömu laun?	Þórólfur Matthíasson
Desember	Hvað var liturinn appelsínugulur kallaður áður en appelsínur urðu þekktar á Íslandi?	Guðrún Kvaran

Tvær fréttir ársins 2016 voru einnig mjög mikið lesnar:

• Þúsundasta svar Guðrúnar Kvaran fyrir Vísindavefinn.
• Staðreynda- og samfélagsvakt Vísindavefsins.

Af nokkrum eldri svörum sem mikið voru lesin árið 2016 má meðal annars nefna:

• Hver eru einkenni blóðtappa í fæti? eftir Þórdísi Kristinsdóttur.
• Íslenskar gæsalappir eru „svona“, en hvar finn ég '„' á íslenska lyklaborðinu? eftir Hjálmtý Hafsteinsson.
• Af hverju eru sum hænuegg brún og önnur hvít? eftir Eyju Margréti Brynjarsdóttur.
• Hvar er hægt að finna flóðatöflu á Netinu? eftir Emilíu Dagnýju Sveinbjörnsdóttur.
• Hvernig get ég fundið hver tímamunurinn er á Íslandi og öðrum löndum eða stöðum í heiminum? eftir Emilíu Dagnýju Sveinbjörnsdóttur.
• Hvað merkja orðin sjálfbær þróun? eftir Ólaf Pál Jónsson.
• Hvað heita kertin fjögur á aðventukransinum? eftir Sigurð Ægisson.
• Hvað gerðist í heimsstyrjöldinni síðari í grófum dráttum? eftir Stefán Gunnar Sveinsson.
• Hvers konar hákarl er bláháfur og er hann hættulegur mönnum? eftir Jón Má Halldórsson.
• Hvernig hljóðar lengsta orð í heimi á íslensku? eftir Hauk Má Helgason.
• Er einhver munur á því að vera skrítinn eða skrýtinn? eftir Guðrúnu Kvaran.
• Hvernig útskýrir maður aðferðafræði félagsvísinda? eftir Jón Gunnar Bernburg.
• Hvað er skoðað í almennri blóðrannsókn? eftir Þórdísi Kristinsdóttur.
• Hvað var franska byltingin og hefur hún enn einhver áhrif á samfélagsmál í Evrópu og annars staðar í heiminum? eftir Henry Alexander Henrysson.
• Hvað veldur gróðurhúsaáhrifum? eftir Jón Má Halldórsson.
• Hvernig má fá upplýsingar um sólargang og slíkt eftir árstímum og stöðum á Íslandi? eftir Þorstein Vilhjálmsson.
• Hvenær var síðasta aftakan á Íslandi? eftir Gunnar Karlsson.

Mynd:

• Ferris wheel - Wikipedia, the free encyclopedia. (Sótt 19.01.2016).

...