Hafa komið fram nýjar niðurstöður um eldun á mat í örbylgjuofnum?

Nafn þitt

Netfang þitt

Netfang móttakanda

Ruslpóstvörn =

Svar

Hafa komið fram nýjar niðurstöður um eldun á mat í örbylgjuofnum?
Spurningin í fullri lengd hljóðaði svona:

Hafa komið fram aðrar niðurstöður varðandi eldun á mat í örbylgjuofnum frá því þessi grein var skrifuð árið 2000?

Ef átt er við hvort eitthvað nýtt hafi komið fram getur svarið ekki verið annað en: „Já“ - einfaldlega vegna þess að margir vísindamenn hafa áhuga á notkun rafsegulbylgna og enn fleiri hafa áhuga á gæðum næringar.

Einföld leit í gagnasafninu Scopus að greinum sem innihalda orðin örbylgjuofn og matur (á ensku) sýnir um 30 birtar vísindagreinar á ári undanfarin ár.

Flestar þessara greina fjalla um áhrif hitunar í örbylgjuofni á ákveðnar fæðutegundir eða rannsóknir á því hvaða eldunaraðferðir reynast best. Rannsóknir á mögulegri skaðsemi fyrir notendur ofnanna og neytendur matarins eru ekki áberandi.

Greinar um mat í örbylgjuofnum eru reyndar ekki margar samanborið við fjöldann sem kemur upp ef leitað er að krabbamein og reykingar í sama gagnasafni; þá finnast að jafnaði 3750 birtar greinar á ári undanfarin fimm ár.

Við þau svör sem fyrir eru á Vísindavefnum um örbylgjuofna er litlu að bæta en þó má ítreka eftirfarandi:

• Aðeins ætti að nota ílát sem eru ætluð til hitunar í örbylgjuofni
• Varast skal að ofhita vatn í örbylgjuofni, slíkt hefur valdið alvarlegum brunasárum^[1][2]

Tilvísanir:

1. ^ 5 Tips for Using Your Microwave Oven Safely. (Sótt 5.09.2017).
2. ^ WHO - Electromagnetic fields & public health: Microwave ovens. (Sótt 5.09.2017).

Mynd:

• HAWC offers microwave cooking class to dorm residents > Dyess Air Force Base > Article Display. (Sótt 5.09.2017).

...