Má borða alla krabba sem lifa við Íslandsstrendur?

Nafn þitt

Netfang þitt

Netfang móttakanda

Ruslpóstvörn =

Svar

Má borða alla krabba sem lifa við Íslandsstrendur?
Hér við land lifa fjölmargar tegundir tífættra krabba (decapoda) og eru trjónukrabbar (Hyas araneus) og bogkrabbar (Carcinus maenas) sennilega þeirra algengastir. Hvorug tegundin er nýtt að einhverju ráði þó ofgnótt sé af þeim á grunnsævinu umhverfis landið. Eitthvað hafa menn verið að prófa sig áfram við að nýta trjónukrabbann en lítið hefur orðið úr því. Sem dæmi var aflinn aðeins 116 kg árið 2016. Trjónukrabbi er sjálfsagt ágætur til neyslu en fulllítið kjöt á honum.

Árið 2016 voru tvær aðrar krabbategundir veiddar og skráðar í löndunarskýrslur Fiskistofu: gaddakrabbi (Lithodes maja) 85 kg og grjótkrabbi (Cancer irroratus) 168 kg. Þetta eru fyrirtaks krabbar til átu. Grjótkrabbi er nytjategund í Norður-Ameríku og kann að verða mikil nytjategund hér við land á næstu árum. Þess ber að geta að þótt lítil veiði hafi verið árið 2016 þá var aflinn á árunum 2013 – 2015 rúmlega 5 tonn.

Aðrar tegundir stærri tífættra krabba við Ísland eru meðal annars töskukrabbi (Cancer pagurus) og tannkrabbi (Cancer bellianus). Ekki er höfundi kunnugt um að neysla á þessum tegundum sé hættuleg að neinu leyti, þær eru ekki eitraðar eða hafa nein önnur hættuleg efnasambönd svo vitað sé frekar en aðrar krabbategundir sem finnast við Ísland.

Mynd:

• Rock crab on tunicate colony.jpg - Wikimedia Commons. (Sótt 12. 9. 2017).

...