Senda inn spurningu
Sólin Sólin Rís 05:40 • sest 21:16 í Reykjavík
Tunglið Tunglið Rís 15:13 • Sest 05:59 í Reykjavík
Flóð Flóð Árdegis: 03:57 • Síðdegis: 16:31 í Reykjavík
Fjaran Fjara Árdegis: 10:23 • Síðdegis: 22:34 í Reykjavík
Visit the English version
Vísindafélag Íslendinga - 100 ára

Flokkun:

Vísindavefur Dagatal íslenskra vísindamanna
Heilbrigðisvísindi Næringarfræði

Hvað hefur vísindamaðurinn Ingibjörg Gunnarsdóttir rannsakað?

Ritstjórn Vísindavefsins og Vísindafélag Íslands

Ingibjörg Gunnarsdóttir er prófessor í næringarfræði við Matvæla- og næringarfræðideild Háskóla Íslands og forstöðumaður Rannsóknastofu í næringarfræði við Háskóla Íslands og Landspítala.

Ingibjörg hefur komið að fjölbreyttum rannsóknum á sviði næringarfræði síðastliðin 20 ár, í samstarfi við innlenda og erlenda rannsóknahópa. Ingibjörg hefur meðal annars rannsakað áhrif næringar á meðgöngu á heilsu móður og tengsl næringar og vaxtar fyrstu ár ævinnar við heilsu allt fram á fullorðins ár.

Rannsóknahópur undir stjórn Ingibjargar vinnur nú að þróun einstaklingsmiðaðarar næringarmeðferðar á meðgöngu. Fyrsta skrefið er þróun skimunar fyrir óheilsusamlegu fæðuvali eða næringarefnaskorti í upphafi meðgöngu, sem getur aukið líkur á kvillum á meðgöngu eða haft áhrif á vöxt og þroska barnsins. Ingibjörg vinnur einnig að rannsóknum á næringarmeðferð ýmissa sjúklingahópa í tengslum við verkefni sem hlotið hafa stuðning frá Evrópusambandinu og íslenskum rannsóknasjóðum.

Ingibjörg Gunnarsdóttir hefur meðal annars rannsakað áhrif næringar á meðgöngu á heilsu móður og tengsl næringar og vaxtar fyrstu ár ævinnar við heilsu allt fram á fullorðins ár.

Ingibjörg er fædd 1974. Hún lauk stúdentsprófi frá Framhaldsskólanum á Húsavík 1993 og BS-prófi í matvælafræði frá Háskóla Íslands árið 1997. Hún lauk meistaranámi í næringarfræði frá Háskóla Íslands 1999, en sótti námskeið við KVL í Kaupmannahöfn (nú Kaupmannahafnarháskóli) haustið 1998. Ingibjörg tók á þessum tíma virkan þátt í uppbyggingu Rannsóknastofu í næringarfræði, hóf doktorsnám, ásamt því að leika með A-landsliði Íslands í blaki á árunum 1994-2011.

Ingibjörg lauk doktorsprófi árið 2003 og hefur hlotið fjölda styrkja og viðurkenningar fyrir nám og störf, þar á meðal Hvatningarverðlaun Vísinda- og tækniráðs árið 2014. Hún er meðhöfundur fjölda alþjóðlegra ritrýndra vísindagreina og hefur tekið virkan þátt í samfélagsumræðu og miðlun upplýsinga um næringu til almennings, meðal annars gegnum vefsíðuna www.nmb.is.

Mynd:
  • © Kristinn Ingvarsson.

Höfundar

Ritstjórn Vísindavefsins

Ritstjórn Vísindavefsins

Vísindafélag Íslands

Vísindafélag Íslands

Útgáfudagur

20.1.2018

Spyrjandi

Ritstjórn

Efnisorð

Tilvísun

Ritstjórn Vísindavefsins og Vísindafélag Íslands. „Hvað hefur vísindamaðurinn Ingibjörg Gunnarsdóttir rannsakað?“ Vísindavefurinn, 20. janúar 2018. Sótt 19. apríl 2024. http://visindavefur.is/svar.php?id=74978.

Ritstjórn Vísindavefsins og Vísindafélag Íslands. (2018, 20. janúar). Hvað hefur vísindamaðurinn Ingibjörg Gunnarsdóttir rannsakað? Vísindavefurinn. Sótt af http://visindavefur.is/svar.php?id=74978

Ritstjórn Vísindavefsins og Vísindafélag Íslands. „Hvað hefur vísindamaðurinn Ingibjörg Gunnarsdóttir rannsakað?“ Vísindavefurinn. 20. jan. 2018. Vefsíða. 19. apr. 2024. <http://visindavefur.is/svar.php?id=74978>.

Chicago | APA | MLA

Tengd svör

Þessi síða notar vafrakökur Nánari upplýsingar

Ég samþykki
Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Hvað hefur vísindamaðurinn Ingibjörg Gunnarsdóttir rannsakað?
Ingibjörg Gunnarsdóttir er prófessor í næringarfræði við Matvæla- og næringarfræðideild Háskóla Íslands og forstöðumaður Rannsóknastofu í næringarfræði við Háskóla Íslands og Landspítala.

Ingibjörg hefur komið að fjölbreyttum rannsóknum á sviði næringarfræði síðastliðin 20 ár, í samstarfi við innlenda og erlenda rannsóknahópa. Ingibjörg hefur meðal annars rannsakað áhrif næringar á meðgöngu á heilsu móður og tengsl næringar og vaxtar fyrstu ár ævinnar við heilsu allt fram á fullorðins ár.

Rannsóknahópur undir stjórn Ingibjargar vinnur nú að þróun einstaklingsmiðaðarar næringarmeðferðar á meðgöngu. Fyrsta skrefið er þróun skimunar fyrir óheilsusamlegu fæðuvali eða næringarefnaskorti í upphafi meðgöngu, sem getur aukið líkur á kvillum á meðgöngu eða haft áhrif á vöxt og þroska barnsins. Ingibjörg vinnur einnig að rannsóknum á næringarmeðferð ýmissa sjúklingahópa í tengslum við verkefni sem hlotið hafa stuðning frá Evrópusambandinu og íslenskum rannsóknasjóðum.

Ingibjörg Gunnarsdóttir hefur meðal annars rannsakað áhrif næringar á meðgöngu á heilsu móður og tengsl næringar og vaxtar fyrstu ár ævinnar við heilsu allt fram á fullorðins ár.

Ingibjörg er fædd 1974. Hún lauk stúdentsprófi frá Framhaldsskólanum á Húsavík 1993 og BS-prófi í matvælafræði frá Háskóla Íslands árið 1997. Hún lauk meistaranámi í næringarfræði frá Háskóla Íslands 1999, en sótti námskeið við KVL í Kaupmannahöfn (nú Kaupmannahafnarháskóli) haustið 1998. Ingibjörg tók á þessum tíma virkan þátt í uppbyggingu Rannsóknastofu í næringarfræði, hóf doktorsnám, ásamt því að leika með A-landsliði Íslands í blaki á árunum 1994-2011.

Ingibjörg lauk doktorsprófi árið 2003 og hefur hlotið fjölda styrkja og viðurkenningar fyrir nám og störf, þar á meðal Hvatningarverðlaun Vísinda- og tækniráðs árið 2014. Hún er meðhöfundur fjölda alþjóðlegra ritrýndra vísindagreina og hefur tekið virkan þátt í samfélagsumræðu og miðlun upplýsinga um næringu til almennings, meðal annars gegnum vefsíðuna www.nmb.is.

Mynd:
  • © Kristinn Ingvarsson.

...