Senda inn spurningu
Sólin Sólin Rís 05:40 • sest 21:16 í Reykjavík
Tunglið Tunglið Rís 15:13 • Sest 05:59 í Reykjavík
Flóð Flóð Árdegis: 03:57 • Síðdegis: 16:31 í Reykjavík
Fjaran Fjara Árdegis: 10:23 • Síðdegis: 22:34 í Reykjavík
Visit the English version
Vísindafélag Íslendinga - 100 ára

Flokkun:

Vísindavefur Dagatal íslenskra vísindamanna

Hvað hefur vísindamaðurinn Sigríður Halldórsdóttir rannsakað?

Ritstjórn Vísindavefsins og Vísindafélag Íslands

Sigríður Halldórsdóttir er prófessor í hjúkrunarfræði við Heilbrigðisvísindasvið Háskólans á Akureyri (HA). Rannsóknir Sigríðar hafa meðal annars snúið að grundvallaratriðum góðrar hjúkrunar, umhyggju og umhyggjuleysi í heilbrigðisþjónustunni, þjáningu skjólstæðinga heilbrigðisþjónustunnar og leiðum til að lina hana. Á síðari árum hafa birtingarmyndir ofbeldis verið henni hugleiknar og hvernig hægt er að draga úr ofbeldi og niðurbrjótandi áhrifum þess. Þá hefur hún talsvert stundað kenningarsmíði.

Sigríður hefur mikið fengist við aðferðafræðilegar pælingar og hefur viljað stuðla að samræmdri hugtakanotkun í aðferðafræði rannsókna á Íslandi. Í fyrstu var áhersla hennar á aðferðafræði rannsókna í heilbrigðisvísindum og var hún ritstjóri Aðferðafræði rannsókna í heilbrigðisvísindum (2001) þar sem 15 höfundar skrifuðu jafnmarga kafla og ritstjóri Handbókar í aðferðafræði og rannsóknum í heilbrigðisvísindum (2003), ásamt prófessor Kristjáni Kristjánssyni, þar sem 26 höfundar skrifuðu 24 kafla. Í ljós kom að mikil þörf var fyrir slíka bók og var farið að nota handbókina á ýmsum fræðasviðum. Því varð til Handbók í aðferðafræði rannsókna (2013) þar sem 34 höfundar skrifuðu 35 kafla.

Sigríður Halldórsdóttir í faðmi fjölskyldunnar við Hólavatn í Eyjafirði árið 2017.

Sigríður fæddist í Reykjavík 1954 og lauk verslunarskólaprófi frá Verslunarskóla Íslands 1972 og stúdentsprófi frá fornmáladeild MH 1974. Hún lauk B.S.-gráðu í hjúkrunarfræði við Hjúkrunarfræðideild HÍ 1978 og uppeldis- og kennslufræði við Félagsvísindasvið HÍ 1979. Hún lauk meistaraprófi í hjúkrunarfræði (Master of Science in Nursing) við University of British Columbia (UBC) í Vancouver, Kanada 1988 og doktorsprófi í heilbrigðisvísindum (Medicine Doctricem) við Linköpingháskóla (Med. Dr.-gráðu) 1996.

Sigríður hefur meðal annars starfað við Landspítalann, sem námsstjóri við Nýja hjúkrunarskólann, lektor við Háskóla Íslands og sviðsforseti Heilbrigðisvísindasviðs HA. Hún varð fyrsti prófessor í hjúkrunarfræði á Íslandi árið 1996. Hún hefur gegnt ótal trúnaðarstörfum innan og utan háskóla og var einn af stofnendum Rannsóknarmiðstöðvar gegn ofbeldi við HA árið 2011.

Sigríður hefur birt um 100 vísindagreinar í innlendum og erlendum vísindaritum, verið aðalfyrirlesari á ráðstefnum í hjúkrunarfræði víða um heim, og er ritrýnir og í ritstjórn margra vísindatímarita. Doktorsritgerð Sigríðar ber yfirskriftina Caring and Uncaring Encounters in Nursing and Health Care – Developing a Theory (Linköping University Medical Dissertations No. 493).

Mynd:
  • Úr safni SH.

Höfundar

Ritstjórn Vísindavefsins

Ritstjórn Vísindavefsins

Vísindafélag Íslands

Vísindafélag Íslands

Útgáfudagur

30.1.2018

Spyrjandi

Ritstjórn

Efnisorð

Tilvísun

Ritstjórn Vísindavefsins og Vísindafélag Íslands. „Hvað hefur vísindamaðurinn Sigríður Halldórsdóttir rannsakað?“ Vísindavefurinn, 30. janúar 2018. Sótt 19. apríl 2024. http://visindavefur.is/svar.php?id=75171.

Ritstjórn Vísindavefsins og Vísindafélag Íslands. (2018, 30. janúar). Hvað hefur vísindamaðurinn Sigríður Halldórsdóttir rannsakað? Vísindavefurinn. Sótt af http://visindavefur.is/svar.php?id=75171

Ritstjórn Vísindavefsins og Vísindafélag Íslands. „Hvað hefur vísindamaðurinn Sigríður Halldórsdóttir rannsakað?“ Vísindavefurinn. 30. jan. 2018. Vefsíða. 19. apr. 2024. <http://visindavefur.is/svar.php?id=75171>.

Chicago | APA | MLA

Tengd svör

Þessi síða notar vafrakökur Nánari upplýsingar

Ég samþykki
Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Hvað hefur vísindamaðurinn Sigríður Halldórsdóttir rannsakað?
Sigríður Halldórsdóttir er prófessor í hjúkrunarfræði við Heilbrigðisvísindasvið Háskólans á Akureyri (HA). Rannsóknir Sigríðar hafa meðal annars snúið að grundvallaratriðum góðrar hjúkrunar, umhyggju og umhyggjuleysi í heilbrigðisþjónustunni, þjáningu skjólstæðinga heilbrigðisþjónustunnar og leiðum til að lina hana. Á síðari árum hafa birtingarmyndir ofbeldis verið henni hugleiknar og hvernig hægt er að draga úr ofbeldi og niðurbrjótandi áhrifum þess. Þá hefur hún talsvert stundað kenningarsmíði.

Sigríður hefur mikið fengist við aðferðafræðilegar pælingar og hefur viljað stuðla að samræmdri hugtakanotkun í aðferðafræði rannsókna á Íslandi. Í fyrstu var áhersla hennar á aðferðafræði rannsókna í heilbrigðisvísindum og var hún ritstjóri Aðferðafræði rannsókna í heilbrigðisvísindum (2001) þar sem 15 höfundar skrifuðu jafnmarga kafla og ritstjóri Handbókar í aðferðafræði og rannsóknum í heilbrigðisvísindum (2003), ásamt prófessor Kristjáni Kristjánssyni, þar sem 26 höfundar skrifuðu 24 kafla. Í ljós kom að mikil þörf var fyrir slíka bók og var farið að nota handbókina á ýmsum fræðasviðum. Því varð til Handbók í aðferðafræði rannsókna (2013) þar sem 34 höfundar skrifuðu 35 kafla.

Sigríður Halldórsdóttir í faðmi fjölskyldunnar við Hólavatn í Eyjafirði árið 2017.

Sigríður fæddist í Reykjavík 1954 og lauk verslunarskólaprófi frá Verslunarskóla Íslands 1972 og stúdentsprófi frá fornmáladeild MH 1974. Hún lauk B.S.-gráðu í hjúkrunarfræði við Hjúkrunarfræðideild HÍ 1978 og uppeldis- og kennslufræði við Félagsvísindasvið HÍ 1979. Hún lauk meistaraprófi í hjúkrunarfræði (Master of Science in Nursing) við University of British Columbia (UBC) í Vancouver, Kanada 1988 og doktorsprófi í heilbrigðisvísindum (Medicine Doctricem) við Linköpingháskóla (Med. Dr.-gráðu) 1996.

Sigríður hefur meðal annars starfað við Landspítalann, sem námsstjóri við Nýja hjúkrunarskólann, lektor við Háskóla Íslands og sviðsforseti Heilbrigðisvísindasviðs HA. Hún varð fyrsti prófessor í hjúkrunarfræði á Íslandi árið 1996. Hún hefur gegnt ótal trúnaðarstörfum innan og utan háskóla og var einn af stofnendum Rannsóknarmiðstöðvar gegn ofbeldi við HA árið 2011.

Sigríður hefur birt um 100 vísindagreinar í innlendum og erlendum vísindaritum, verið aðalfyrirlesari á ráðstefnum í hjúkrunarfræði víða um heim, og er ritrýnir og í ritstjórn margra vísindatímarita. Doktorsritgerð Sigríðar ber yfirskriftina Caring and Uncaring Encounters in Nursing and Health Care – Developing a Theory (Linköping University Medical Dissertations No. 493).

Mynd:
  • Úr safni SH.

...