Þegar sveppir eru tíndir, skiptir máli hvort þeir eru skornir eða slitnir upp?

Nafn þitt

Netfang þitt

Netfang móttakanda

Ruslpóstvörn =

Svar

Þegar sveppir eru tíndir, skiptir máli hvort þeir eru skornir eða slitnir upp?
Í heild hljóðaði spurningin svona:

Þegar sveppir eru tíndir, skiptir máli hvort þeir eru skornir eða slitnir upp? Og ef svo er, hvers vegna?

Nei það skiptir ekki máli hvort sveppir eru skornir eða slitnir upp því það eru sveppaldin sem maður tínir en ekki líkami sveppsins. Líkami sveppsins er gerður úr fínlegum sveppþráðum og er til dæmis ofan í jarðvegi, vafinn utan um rótarenda hýsiltrjáa svepprótarsveppa eða inni í rotnandi trjábol. Svo lengi sem líkami sveppsins er ekki skemmdur þá mun hann framleiða fleiri aldin þegar aðstæður henta til fjölgunar. Aldin sveppa eru ætluð til þess að skýla því þegar gró sveppsins eru mynduð og að auðvelda dreifingu þeirra. Þegar gróin eru fokin út í veður og vind er hlutverki aldinanna lokið.

Ef að ætlunin er að greina sveppi þá er nauðsynlegt að allur stafurinn fylgi með því á sumum sveppum eru greiningareinkenni á enda stafsins. Ef fólk hins vegar þekkir sveppinn þá skiptir ekki máli hvort það losar allt aldinið eða skilur endann eftir. Sveppatínslumenn ættu samt að leitast við að ganga vel um landið. Aldin matsveppa sem orðin eru of gömul til að nýtast til matar er best að láta standa óhreyfð.

Mynd:

• Leccinum scabrum - horizontal (aka).jpg - Wikimedia Commons. Höfundur myndar: André Karwath. Birt undir Creative Commons Attribution-Share Alike 2.5 Generic leyfi. (Sótt 16. 8. 2018).

...