Vísindavaka 2008

Vísindavaka Rannís verður haldin með pompi og prakt föstudaginn 26. september 2008 á degi Evrópska Vísindamannsins. Hátíðin fer fram í Listasafni Reykjavíkur, Hafnarhúsinu og hefjast hátíðahöldin kl. 17 og lýkur kl. 22.

Vísindavefurinn verður að sjálfsögðu á staðnum og ætlar meðal annars að segja frá því hvort sterkeindahraðall CERN geti valdið heimsendi, hvort maginn í manni geti sprungið ef maður borðar Mentos og drekkur kók með og einnig verður gestum leyft að spreyta sig á því hvort þeir geti fundið lausn við þrautinni óleysanlegu. Að auki verður gestum boðið upp á fróðleiksmola sem veita bæði orku og visku og gera alla klára í að taka þátt í spurningakeppni Vísindavefsins, þar sem vegleg verðlaun eru í boði.

Við vonumst til að sjá ykkur sem flest milli 17-22 í Hafnarhúsinu á föstudaginn.