Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvað er danskt fet margir sentímetrar?

Eins og fram kemur í Almanaki Háskólans og víðar er danskt fet 31,39 cm. Það er þannig ívið lengra en bresk-bandarískt fet (foot, fleirtala feet, skammstafað ft) sem er 30,48 cm. Tvö dönsk fet eru í danskri alin sem er 62,77 cm. Í bresk-bandarísku feti eru 12 þumlungar eða tommur (inch, fleirtala inches, skammstafað in) og slíkur þumlungur er 2,54 cm.

Í greininni "Álnir og kvarðar" eftir Gísla Gestsson í Árbók hins íslenzka fornleifafélags frá 1968, bls. 45-78, er ýmsan fróðleik að finna um lengdarmál á Íslandi fyrr á öldum og um mikilvægustu lengdareininguna, sem var álnin svo sem kunnugt er. Þarna kemur til dæmis fram að danskar álnir voru lögálnir hér á landi frá 1776 til 1910 en voru þó notaðar enn lengur. Fetið sem áður var nefnt hefur þá væntanlega einnig verið notað sem hálf alin. Lengd íslenskrar álnar hefur hins vegar verið nokkuð á reiki í aldanna rás og þarf aðgæslu við þegar menn vilja gera útreikninga með henni. Þannig segir Gísli til dæmis að 1 alin hafi um aldamótin 1800 getað þýtt allt frá 54 upp í 62,77 cm.

Útgáfudagur

24.1.2001

Spyrjandi

Jörgen Þormóðsson

Höfundur

Þorsteinn Vilhjálmsson

prófessor emeritus, ritstjóri Vísindavefsins 2000-2010 og ritstjóri Evrópuvefsins 2011

Tilvísun

Þorsteinn Vilhjálmsson. „Hvað er danskt fet margir sentímetrar?“ Vísindavefurinn, 24. janúar 2001. Sótt 11. desember 2016. http://visindavefur.is/svar.php?id=1292.

Þorsteinn Vilhjálmsson. (2001, 24. janúar). Hvað er danskt fet margir sentímetrar? Vísindavefurinn. Sótt af http://visindavefur.is/svar.php?id=1292

Þorsteinn Vilhjálmsson. „Hvað er danskt fet margir sentímetrar?“ Vísindavefurinn. 24. jan. 2001. Vefsíða. 11. des. 2016. <http://visindavefur.is/svar.php?id=1292>.

Chicago | APA | MLA

Sendu inn spurningu
eða

Vísindadagatalið

Vindmylla

Vindmyllur eiga uppruna sinn að rekja til Persíu og Kína. Þar var vindorkan einkum notuð til að mala korn og til vatnsveitu. Vindmyllur nú á dögum eru töluvert þróaðri en byggjast á sömu hugmynd. Í vindmyllum sem framleiða rafmagn er vindurinn látinn snúa spöðum á ás sem tengdur er við rafal og hann umbreytir hreyfiorku vindsins í raforku.