Kaaba eða Ka'bah er steinkassi eða steinhús í miðri al-Haram-moskunni í Mekka. Ka'bah gegnir heilögu hlutverki hjá múslimum, enda telja þeir að Abraham hafi byggt það. Svarti steinninn í Mekka, sem einnig er heilagur, er greyptur í austurhorn Ka'bah. Þegar farið er í pílagrímsferð (hajj) til Mekka er nauðsynlegt að ganga kringum Ka'bah sjö sinnum og kyssa svarta steininn. Hverjum múslima ber að fara að minnsta kosti eins slíka pílagrímsferð á ævinni.
Það er í átt að Ka'bah sem múslimar beygja sig þegar þeir biðja fimm sinnum á dag. Þessi heilaga átt er kölluð qibla og moskur múslima um allan heim eru byggðar með tilliti til hennar. Ýmsar aðferðir hafa verið þróaðar frá upphafi Islam, eða síðustu 13-14 aldirnar, til að finna qibla frá mismunandi stöðum á jarðkringlunni. Um er að ræða aðferðir byggðar á stærðfræði og stjörnufræði og ýmiss konar tæki eins og til dæmis sérstakan qibla-áttavita.
Ka'bah er um 12 metrar á hæð og gólfflötur að innanverðu er 117 fermetrar. Það er byggt úr gráum steini og marmara en er mestan hluta ársins hulið svörtu klæði.
Inni í Ka'bah eru tvær eða þrjár súlur sem halda þakinu uppi, lítið borð og nokkrir lampar. Gólf og veggir eru úr marmara.
Heimildir:
Britannica.comSound Vision, bandarískt vefsetur á vegum múslima.
David A. King (1985). „The Sacred Direction in Islam: A Study of Interaction of Religion and Science in the Middle Ages”. Interdisciplinary Science Reviews, 10, nr. 4.
Hér getur þú sent okkur nýjar spurningar um vísindaleg efni.
Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar
um mikilvæg efni eru líklegastar til að kalla fram vönduð og greið svör. Ekki er víst að tími vinnist til að
svara öllum spurningum.
Persónulegar upplýsingar um spyrjendur eru eingöngu notaðar í starfsemi vefsins, til dæmis til að
svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki
nægileg deili á sér.
Spurningum sem eru ekki á verksviði vefsins er eytt.
Að öðru leyti er hægt að spyrja Vísindavefinn um allt milli himins og jarðar!
Sólin
Rís 05:19 • sest 21:35
Tunglið
Rís 25:18 • Sest 04:56
Flóð
Árdegis: 07:07 • Síðdegis: 19:24
Fjara
Árdegis: 01:08 • Síðdegis: 13:14
Kaaba eða Ka'bah er steinkassi eða steinhús í miðri al-Haram-moskunni í Mekka. Ka'bah gegnir heilögu hlutverki hjá múslimum, enda telja þeir að Abraham hafi byggt það. Svarti steinninn í Mekka, sem einnig er heilagur, er greyptur í austurhorn Ka'bah. Þegar farið er í pílagrímsferð (hajj) til Mekka er nauðsynlegt að ganga kringum Ka'bah sjö sinnum og kyssa svarta steininn. Hverjum múslima ber að fara að minnsta kosti eins slíka pílagrímsferð á ævinni.
Það er í átt að Ka'bah sem múslimar beygja sig þegar þeir biðja fimm sinnum á dag. Þessi heilaga átt er kölluð qibla og moskur múslima um allan heim eru byggðar með tilliti til hennar. Ýmsar aðferðir hafa verið þróaðar frá upphafi Islam, eða síðustu 13-14 aldirnar, til að finna qibla frá mismunandi stöðum á jarðkringlunni. Um er að ræða aðferðir byggðar á stærðfræði og stjörnufræði og ýmiss konar tæki eins og til dæmis sérstakan qibla-áttavita.
Ka'bah er um 12 metrar á hæð og gólfflötur að innanverðu er 117 fermetrar. Það er byggt úr gráum steini og marmara en er mestan hluta ársins hulið svörtu klæði.
Inni í Ka'bah eru tvær eða þrjár súlur sem halda þakinu uppi, lítið borð og nokkrir lampar. Gólf og veggir eru úr marmara.
Heimildir:
Britannica.com
Sound Vision, bandarískt vefsetur á vegum múslima.
David A. King (1985). „The Sacred Direction in Islam: A Study of Interaction of Religion and Science in the Middle Ages”. Interdisciplinary Science Reviews, 10, nr. 4.
