Hver er höfuðborg Bretlands? Hve margir búa þar og hve stór er hún?

Svar

Eins og segir í svari EDS við spurningunni Er Bretland land eða heiti á mörgum löndum saman? er „Bretland heiti á ríki sem nær yfir svæðin England, Skotland, Wales og Norður-Írland auk eyja í grennd.“

Breska konungsfjölskyldan hefur aðsetur í Buckingham-höll.

Höfuðborg Bretlands heitir London eða Lundúnir en borgin er jafnframt sú stærsta og fjölmennasta á Bretlandi. Í Bretlandi búa rétt rúmar 62 milljónir manna á svæði sem spannar 243.610 km². Íbúar Lundúna eru um 7,8 milljónir en séu nærliggjandi svæði tekin með í reikninginn er talan komin upp í 13,7 milljónir. Flatarmál Lundúna er svo um það bil 1.570 km².

Heimildir:

• en.wikipedia.org - United Kingdom.
• en.wikipedia.org - London.

Mynd:

• en.wikipedia.org - London. Sótt 20.6.2012.

---

Þetta svar er eftir nemendur í Háskóla unga fólksins, námskeiðum á vegum HÍ fyrir 12-16 ára ungmenni í júnímánuði 2012.