Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Til hvaða heimsálfu teljast Hawaii-eyjar, Norður-Ameríku eða Eyjaálfu?



Hawaii telst landfræðilega til Eyjaálfu (heimsálfunnar Ástralíu eða Oceania) þó að eyjaklasinn sé hluti af ríkinu sem við köllum Bandaríki Norður-Ameríku. Þetta gerist á sama hátt og Grænland telst til Ameríku, Tyrkland norðan Hellusunds (Bosporus) telst til Evrópu og Síbería telst til Asíu þó að hún tilheyri ríkinu Rússlandi, sem okkur er tamast að telja í Evrópu. Þetta eru allt dæmi um það að pólitísk ríkjaskipting þarf ekki endilega að fylgja landfræðilegri skiptingu í heimsálfur. Hér innanlands hafa líka verið til dæmi þess að sama jörðin ætti land í tveimur sýslum.

Við getum litið svo á að pólitíska skiptingin sé mannanna verk þar sem landfræðilega skiptingin er hins vegar frekar látin fylgja náttúrufyrirbærum eins og úthöfum, innhöfum, sundum, fljótum eða fjallgörðum.



Mynd: USGS, U.S. Geological Survey

Útgáfudagur

7.2.2002

Spyrjandi

Páll Ammendrup

Höfundur

Þorsteinn Vilhjálmsson

prófessor emeritus, ritstjóri Vísindavefsins 2000-2010 og ritstjóri Evrópuvefsins 2011

Tilvísun

Þorsteinn Vilhjálmsson. „Til hvaða heimsálfu teljast Hawaii-eyjar, Norður-Ameríku eða Eyjaálfu?“ Vísindavefurinn, 7. febrúar 2002. Sótt 27. maí 2016. http://visindavefur.is/svar.php?id=2102.

Þorsteinn Vilhjálmsson. (2002, 7. febrúar). Til hvaða heimsálfu teljast Hawaii-eyjar, Norður-Ameríku eða Eyjaálfu? Vísindavefurinn. Sótt af http://visindavefur.is/svar.php?id=2102

Þorsteinn Vilhjálmsson. „Til hvaða heimsálfu teljast Hawaii-eyjar, Norður-Ameríku eða Eyjaálfu?“ Vísindavefurinn. 7. feb. 2002. Vefsíða. 27. maí. 2016. <http://visindavefur.is/svar.php?id=2102>.

Chicago | APA | MLA

Sendu inn spurningu
eða

Vísindadagatalið

Flugeldar

Flugeldar þróuðust í Kína fyrir um 1000 árum í kjölfar þess að púðrið var fundið upp. Litadýrð flugelda orsakast af málmflögum sem settar eru í púðrið, t.d. flögum úr áli, járni, stáli, sinki eða magnesíni. Auk þess eru oft notuð málmsölt eins og t.d. koparklóríð, kalsínklóríð eða barínklórið. Kopar gefur bláan lit, kalsín appelsínugulan lit og barín grænan.