Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Er til íslensk sérsveit?

Í stuttu máli, já. Íslenska sérsveitin heyrir undir ríkislögreglustjóra og er hún vopnuð sérsveit lögreglunnar, stundum kölluð Víkingasveitin. Hún var stofnuð 19. október árið 1982 en þá höfðu fyrstu sérsveitarmennirnir hlotið viðeigandi þjálfun hjá norsku sérsveitinni. Þá þótti orðið löngu tímabært að hafa vopnaða sérsveit til taks. Meðal annars gerðist það árið 1976 að vopnaðir flugræningjar lentu á Keflavíkuflugvelli en þeir stoppuðu þó stutt.

Sérsveitin er meðal annars kölluð til þegar vopnum er beitt og lífi er ógnað. Valdbeiting er þó ávallt síðasta úrræði hennar en áður en til hennar kemur skipar samningatækni veigamikinn sess í úrlausn vandamála sveitarinnar. Hún sinnir vopnaðri gæslu þegar þess er þörf, þá helst þegar erlendir þjóðhöfðingjar eða aðrir háttsettir einstaklingar heimsækja landið. Sérsveitarmenn sinna þó mest megnis hefðbundnum löggæslustörfum, óvopnaðir, og koma auk þess að þjálfun og fræðslu lögreglumanna. Síðustu ár hafa liðsmenn úr sérsveitinni verið nokkuð áberandi vegna tíðra mótmæla, ekki síst í Búsáhaldabyltingunni svokölluðu.


Meðlimir úr sérsveitinni komu meðal annars að vörubílamótmælunum svokölluðu.

Í ársáætlun ríkislögreglustjóra fyrir árið 2009 kemur fram að markmið sérsveitarinnar séu meðal annars að verjast og bregðast við hryðjuverkum og sjá um gerð áætlunar vegna öryggismála ríkisins, til dæmis vegna mikilvægra mannvirkja. Auk þess vinna að áætlun komi til skot- eða sjálfsmorðssprengjuárása og hafa eftirlit með þekktum afbrotamönnum.

Sérsveit ríkislögreglustjóra hefur haft starfsstöð á Suðurnesjum frá 1. janúar 2007 eftir að lögregluembætti þar voru sameinuð. Nú starfa 40 manns hjá sérsveit ríkislögreglustjóra.

Heimildir:

Mynd:

Útgáfudagur

28.6.2010

Spyrjandi

Bjarni Barkarson

Höfundur

Tilvísun

ÍDÞ. „Er til íslensk sérsveit?“ Vísindavefurinn, 28. júní 2010. Sótt 3. maí 2016. http://visindavefur.is/svar.php?id=22262.

ÍDÞ. (2010, 28. júní). Er til íslensk sérsveit? Vísindavefurinn. Sótt af http://visindavefur.is/svar.php?id=22262

ÍDÞ. „Er til íslensk sérsveit?“ Vísindavefurinn. 28. jún. 2010. Vefsíða. 3. maí. 2016. <http://visindavefur.is/svar.php?id=22262>.

Chicago | APA | MLA

Sendu inn spurningu
eða

Vísindadagatalið

Ópið

Norski listmálarinn Edvard Munch málaði fjórar útgáfur af verki sem nefnt er Ópið. Tvær elstu gerðirnar eru frá 1893, þriðja frá 1895 og sú síðasta líklega frá 1910. Ópið er ein kunnasta táknmynd nútímalistar og fjölmargar túlkanir hafa verið settar fram á verkinu. Einn Munch-fræðingur telur að fyrirmynd mannverunnar á myndinni sé múmía frá Perú sem Munch gæti hafa séð í París 1889.