Minnsta hundakyn í heimi er Chihuahua-hundakynið.
Evrópumenn kynntust Chihuahua-hundum í fyrsta skipti á 19. öld. Fræðimenn telja að hundakynið hafi þróast frá svokölluðum Techichi hundum á 9. öld en það voru smávaxnir hundar sem Toltekar í Mið-Ameríku ræktuðu og höfðu sem gæludýr. Allir eru þó ekki á eitt sáttir um uppruna Chihuahua-hundana og sumir telja að þeir hafi borist til Mið-Ameríku með landkönnuðum frá Kína eða Spáni. Sennilega hafa þó þeir þó rétt fyrir sér sem telja að Chihuahua-hundarnir séu skyldir Techichi-hundum því Toltekarnir voru duglegir við það að mála á kletta og bendir mynd af hundi frá 9. öld eindregið til þess að Chihuahua-hundar séu komnir af Techichi-hundum.
Chihuahua-hundar eru litlir og vega vanalega frá hálfu kílói til tæplega þriggja kílóa. Þeir verða líkt og aðrir hundar um 12 til 16 ára gamlir. Vegna þess hversu litlir og veikburða þeir eru er ekki mælt með því að hundarnir séu á heimilum þar sem eru lítil börn sem geta óvart verið heldur harðhent við þá. Hundarnir henta hins vegar mjög vel sem gæludýr fyrir eldra fólk enda eru þeir ákaflega félagslyndir og auðveldir í þjálfun.
Chihuahua-hundar eru eins litlir og raun ber vitni vegna þess að það er markvisst búið að rækta þá með það að markmiði að búa til lítinn sætan hund sem hefur hið ómótstæðilega hvolpaútlit sem fólk fellur svo gjarnan fyrir. Því má segja að eins og ýmis afbrigði sleðahunda þar sem ræktunin miðast að því að efla styrk og þol eru Chihuahua-hundar markvisst ræktaðir sem dekurhundakyn.
Þess ber að geta að allra minnsti hundur í heimi er ekki af chihuahua-kyni! Tíkin Whitney, af Yorkshire terrier-kyni, er ekki nema 750 g að þyngd, 7,3 cm yfir herðakamb og 24 cm frá nefi að skottenda, eins og fram kemur á vefsetrinu hvuttar.net. Á vefsetri Heimsmetabókar Guinness er stysti hundur heims sagður vera Tiny Pinocchio, líka af Yorkshire terrier-kyni. Hann er aðeins 20,3 cm á lengd en nær þó 12 cm yfir herðakamb og vegur um hálft kg. Áðurnefnt vefsetur, hvuttar.net, segir svo frá minnsta hundi í sögunni. Hann var af sama kyni og Whitney og Tiny Pinocchio, Yorkshire terrier. Dvergvöxtur virðist því algengur hjá þessu hundakyni. Sá stutti mældist fullvaxinn aðeins 6,35 cm á hæð, 9,53 cm á lengd og vó 113,4 g. Sannarlega dvergur meðal hunda.
Heimildir og myndir:
Jón Már Halldórsson. „Hver er minnsti hundur í heimi og af hverju er hann svona lítill?“ Vísindavefurinn, 4. júlí 2002. Sótt 19. apríl 2024. http://visindavefur.is/svar.php?id=2564.
Jón Már Halldórsson. (2002, 4. júlí). Hver er minnsti hundur í heimi og af hverju er hann svona lítill? Vísindavefurinn. Sótt af http://visindavefur.is/svar.php?id=2564
Jón Már Halldórsson. „Hver er minnsti hundur í heimi og af hverju er hann svona lítill?“ Vísindavefurinn. 4. júl. 2002. Vefsíða. 19. apr. 2024. <http://visindavefur.is/svar.php?id=2564>.
Hér getur þú sent okkur nýjar spurningar um vísindaleg efni.
Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar
um mikilvæg efni eru líklegastar til að kalla fram vönduð og greið svör. Ekki er víst að tími vinnist til að
svara öllum spurningum.
Persónulegar upplýsingar um spyrjendur eru eingöngu notaðar í starfsemi vefsins, til dæmis til að
svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki
nægileg deili á sér.
Spurningum sem eru ekki á verksviði vefsins er eytt.
Að öðru leyti er hægt að spyrja Vísindavefinn um allt milli himins og jarðar!
Sólin
Rís 05:40 • sest 21:16
Tunglið
Rís 15:13 • Sest 05:59
Flóð
Árdegis: 03:57 • Síðdegis: 16:31
Fjara
Árdegis: 10:23 • Síðdegis: 22:34
Evrópumenn kynntust Chihuahua-hundum í fyrsta skipti á 19. öld. Fræðimenn telja að hundakynið hafi þróast frá svokölluðum Techichi hundum á 9. öld en það voru smávaxnir hundar sem Toltekar í Mið-Ameríku ræktuðu og höfðu sem gæludýr. Allir eru þó ekki á eitt sáttir um uppruna Chihuahua-hundana og sumir telja að þeir hafi borist til Mið-Ameríku með landkönnuðum frá Kína eða Spáni. Sennilega hafa þó þeir þó rétt fyrir sér sem telja að Chihuahua-hundarnir séu skyldir Techichi-hundum því Toltekarnir voru duglegir við það að mála á kletta og bendir mynd af hundi frá 9. öld eindregið til þess að Chihuahua-hundar séu komnir af Techichi-hundum.
Chihuahua-hundar eru litlir og vega vanalega frá hálfu kílói til tæplega þriggja kílóa. Þeir verða líkt og aðrir hundar um 12 til 16 ára gamlir. Vegna þess hversu litlir og veikburða þeir eru er ekki mælt með því að hundarnir séu á heimilum þar sem eru lítil börn sem geta óvart verið heldur harðhent við þá. Hundarnir henta hins vegar mjög vel sem gæludýr fyrir eldra fólk enda eru þeir ákaflega félagslyndir og auðveldir í þjálfun.
Chihuahua-hundar eru eins litlir og raun ber vitni vegna þess að það er markvisst búið að rækta þá með það að markmiði að búa til lítinn sætan hund sem hefur hið ómótstæðilega hvolpaútlit sem fólk fellur svo gjarnan fyrir. Því má segja að eins og ýmis afbrigði sleðahunda þar sem ræktunin miðast að því að efla styrk og þol eru Chihuahua-hundar markvisst ræktaðir sem dekurhundakyn.
Þess ber að geta að allra minnsti hundur í heimi er ekki af chihuahua-kyni! Tíkin Whitney, af Yorkshire terrier-kyni, er ekki nema 750 g að þyngd, 7,3 cm yfir herðakamb og 24 cm frá nefi að skottenda, eins og fram kemur á vefsetrinu hvuttar.net. Á vefsetri Heimsmetabókar Guinness er stysti hundur heims sagður vera Tiny Pinocchio, líka af Yorkshire terrier-kyni. Hann er aðeins 20,3 cm á lengd en nær þó 12 cm yfir herðakamb og vegur um hálft kg. Áðurnefnt vefsetur, hvuttar.net, segir svo frá minnsta hundi í sögunni. Hann var af sama kyni og Whitney og Tiny Pinocchio, Yorkshire terrier. Dvergvöxtur virðist því algengur hjá þessu hundakyni. Sá stutti mældist fullvaxinn aðeins 6,35 cm á hæð, 9,53 cm á lengd og vó 113,4 g. Sannarlega dvergur meðal hunda.
Heimildir og myndir:
