Senda inn spurningu
Sólin Sólin Rís 05:19 • sest 21:35 í Reykjavík
Tunglið Tunglið Rís 25:18 • Sest 04:56 í Reykjavík
Flóð Flóð Árdegis: 07:07 • Síðdegis: 19:24 í Reykjavík
Fjaran Fjara Árdegis: 01:08 • Síðdegis: 13:14 í Reykjavík
Visit the English version

Flokkun:

Mið-Austurlönd
Hugvísindi Trúarbrögð

Hvað þýðir arabíska orðið halal?

Gunnar Þór Magnússon

Orðið halal er notað um allt það sem er leyfilegt samkvæmt íslömskum lögum. Andstæðan við halal er haraam, sem er notað um það sem íslömsk lög banna. Í löndum þar sem arabíska er ekki opinbert mál er halal oftast notað til að tilgreina þau matvæli sem múslimar mega neyta. Í því tilfelli gegnir orðið sambærilegu hlutverki og hebreska orðið kosher gerir hjá gyðingum.

Kóraninn bannar meðal annars neyslu svínakjöts, dýrablóðs og að leggja sér rándýr eða ránfugla til munns, nema í þeim tilvikum þar sem það gæti bjargað lífi viðkomandi. Múslimar mega neyta kjöts af öllum öðrum dýrategundum, svo lengi sem að kjötið kemur af dýri sem var slátrað með ákveðinni aðferð. Að vísu eru fiskar með hreistur undanskildir frá þessari reglu og múslimar mega leggja sér þá til munns án tillits til hvernig þeir voru veiddir, svo lengi sem þeir hafi verið tæmdir af blóði og matreiddir með matvælum sem eru halal.

Múslimskur slátrari.

Aðferðin sem múslimar nota til að slátra dýri heitir dhabihah og felst í að skera á hálsæðar dýrs og láta því blæða út. Múslimar telja þetta mannúðarfulla aðferð, þar sem hún stöðvar fljótt blóðflæði til heilans og veldur snöggum heiladauða, og einnig hreinlega af því að með aðferðinni er einfalt að tæma dýrið af blóði.

Landbúnaðarráðuneytið leyfir dhabihah slátrun á Íslandi, svo lengi sem að dýrið sem er verið að slátra hafi verið svipt meðvitund með raflosti svo það finni ekki sársauka. Á Íslandi er sauðfé slátrað í litlum mæli með þessari aðferð.

Tengt efni á Vísindavefnum:

Heimildir og myndir:

Höfundur

Gunnar Þór Magnússon

Gunnar Þór Magnússon

stærðfræðingur

Útgáfudagur

31.7.2009

Spyrjandi

Jón Hjörtur Brjánsson

Efnisorð

Tilvísun

Gunnar Þór Magnússon. „Hvað þýðir arabíska orðið halal?“ Vísindavefurinn, 31. júlí 2009. Sótt 25. apríl 2024. http://visindavefur.is/svar.php?id=31568.

Gunnar Þór Magnússon. (2009, 31. júlí). Hvað þýðir arabíska orðið halal? Vísindavefurinn. Sótt af http://visindavefur.is/svar.php?id=31568

Gunnar Þór Magnússon. „Hvað þýðir arabíska orðið halal?“ Vísindavefurinn. 31. júl. 2009. Vefsíða. 25. apr. 2024. <http://visindavefur.is/svar.php?id=31568>.

Chicago | APA | MLA

Þessi síða notar vafrakökur Nánari upplýsingar

Ég samþykki
Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Hvað þýðir arabíska orðið halal?
Orðið halal er notað um allt það sem er leyfilegt samkvæmt íslömskum lögum. Andstæðan við halal er haraam, sem er notað um það sem íslömsk lög banna. Í löndum þar sem arabíska er ekki opinbert mál er halal oftast notað til að tilgreina þau matvæli sem múslimar mega neyta. Í því tilfelli gegnir orðið sambærilegu hlutverki og hebreska orðið kosher gerir hjá gyðingum.

Kóraninn bannar meðal annars neyslu svínakjöts, dýrablóðs og að leggja sér rándýr eða ránfugla til munns, nema í þeim tilvikum þar sem það gæti bjargað lífi viðkomandi. Múslimar mega neyta kjöts af öllum öðrum dýrategundum, svo lengi sem að kjötið kemur af dýri sem var slátrað með ákveðinni aðferð. Að vísu eru fiskar með hreistur undanskildir frá þessari reglu og múslimar mega leggja sér þá til munns án tillits til hvernig þeir voru veiddir, svo lengi sem þeir hafi verið tæmdir af blóði og matreiddir með matvælum sem eru halal.

Múslimskur slátrari.

Aðferðin sem múslimar nota til að slátra dýri heitir dhabihah og felst í að skera á hálsæðar dýrs og láta því blæða út. Múslimar telja þetta mannúðarfulla aðferð, þar sem hún stöðvar fljótt blóðflæði til heilans og veldur snöggum heiladauða, og einnig hreinlega af því að með aðferðinni er einfalt að tæma dýrið af blóði.

Landbúnaðarráðuneytið leyfir dhabihah slátrun á Íslandi, svo lengi sem að dýrið sem er verið að slátra hafi verið svipt meðvitund með raflosti svo það finni ekki sársauka. Á Íslandi er sauðfé slátrað í litlum mæli með þessari aðferð.

Tengt efni á Vísindavefnum:

Heimildir og myndir:

...