Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Getur HIV-veiran borist með flugum?

Hér er einnig að finna svar við spurningunni:
Fyrst Vestur-Nílarveiran getur borist með moskítóflugum, hvað kemur þá í veg fyrir að HIV-veiran geti borist með sama hætti?
Þekktar smitleiðir fyrir alnæmi eru kynmök, samnýting sprautunála meðal fíkniefnaneytenda og blóðgjafir eða gjöf afurða úr blóði (mjög sjaldgæft). Einnig geta börn smitaðra mæðra smitast fyrir eða við fæðingu eða við brjóstagjöf. Aðrar smitleiðir eru ekki kunnar.

Strax í upphafi alnæmisfaraldursins óttuðust menn mjög að skordýr sem sjúga blóð gætu borið smit á milli manna. Þessi möguleiki hefur verið rannsakaður á ýmsan hátt og menn telja nú fullvíst að engin slík hætta sé fyrir hendi.

Algengasta skordýrið sem sýgur blóð er moskítóflugan en hún ber sjúkdóma eins og malaríu á milli einstaklinga. Malaríusýkillinn lifir og fjölgar sér í munnvatnskirtlum flugunnar og þegar hún stingur sprautar hún svolitlu munnvatni inn í fórnarlambið til að blóðið renni betur. Þannig kemst sýkillinn í nýjan hýsil.



Alnæmisveiran lifir ekki nema stutta stund í flugunni. Veiruna er ekki að finna í munnvatni hennar og venjulega líður langur tími frá því að flugan sýgur blóð úr einum einstaklingi og þar til næsta fórnarlamb verður fyrir barðinu á henni. Svipað gildir um önnur skordýr sem sjúga blóð eins og höfuðlýs, veggjalýs og flær.

Hægt er að lesa umfjöllun um þetta efni víða á erlendum vefum:Mynd:

Útgáfudagur

23.2.2004

Spyrjandi

Sigrún Bjarnadóttir
Eva Ólafsdóttir
Bragi Thoroddsen
Ragnar L. Magnason

Höfundur

prófessor í læknisfræði við HÍ

Tilvísun

Magnús Jóhannsson. „Getur HIV-veiran borist með flugum?“ Vísindavefurinn, 23. febrúar 2004. Sótt 14. febrúar 2016. http://visindavefur.is/svar.php?id=4014.

Magnús Jóhannsson. (2004, 23. febrúar). Getur HIV-veiran borist með flugum? Vísindavefurinn. Sótt af http://visindavefur.is/svar.php?id=4014

Magnús Jóhannsson. „Getur HIV-veiran borist með flugum?“ Vísindavefurinn. 23. feb. 2004. Vefsíða. 14. feb. 2016. <http://visindavefur.is/svar.php?id=4014>.

Chicago | APA | MLA

Sendu inn spurningu
eða

Vísindadagatalið

Geisladiskar

Geisladiskurinn kom fyrst fram árið 1982. Hollenska fyrirtækið Philips og japanska fyrirtækið Sony þróuðu geisladiskana í samvinnu. Ýmsar sögur eru til af því hvernig stærð diskanna var ákveðin. Samkvæmt einni var diskurinn stækkaður upp í 12 cm svo að hægt væri að koma fyrir 74 mínútna langri upptöku af níundu sinfóníu Beethovens á einum disk.