Ef hugtakið græðgi er skilið sem viljinn til að græða þá er svarið einfaldlega já. Flest hlutabréfakaup eru gerð í þeirri von að fjárfestingin skili arði. Ef almennt er talið að hlutabréf ákveðins félags muni skila miklu, annaðhvort vegna hárra arðgreiðslna eða vegna hækkunar á verði í framtíðinni, þá verða þau bréf eftirsótt og hækka í verði. Bréf sem talið er að muni skila litlu lækka hins vegar í verði. Í þessum skilningi ræður græðgi hlutabréfaverði.
Flestir túlka sennilega græðgi þó sem meira en bara vilja til að græða. Litið er á græðgi sem löst, hvata sem fær fólk til að ganga lengra en góðu hófi gegnir í viðleitni sinni til að hagnast. Í þeim skilningi er græðgi eiginlega andstæðan við nægjusemi, sem litið er á sem dygð. Sé þessi skilningur lagður í orðið græðgi vandast málið. Til dæmis er þá ekki ljóst hvenær einhver er gráðugur, það verður eiginlega mat hvers og eins hvort annar einstaklingur er gráðugur og fer þá meðal annars eftir því hversu langt er talið eðlilegt að ganga við að skara eld að eigin köku.
Sé græðgi litin þessum augum verður svarið flóknara. Sumir þeirra sem kaupa og selja hlutabréf og hafa þannig áhrif á verð þeirra teljast þá væntanlega gráðugir í augum sumra samborgara sinna en aðrir ekki. Í því tilviki verður þá niðurstaðan að græðgi sé einn þeirra þátta sem hafa áhrif á verð hlutabréfa.
Frekara lesefni á Vísindavefnum:
Hér getur þú sent okkur nýjar spurningar um vísindaleg efni.
Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar
um mikilvæg efni eru líklegastar til að kalla fram vönduð og greið svör. Ekki er víst að tími vinnist til að
svara öllum spurningum.
Persónulegar upplýsingar um spyrjendur eru eingöngu notaðar í starfsemi vefsins, til dæmis til að
svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki
nægileg deili á sér.
Spurningum sem eru ekki á verksviði vefsins er eytt.
Að öðru leyti er hægt að spyrja Vísindavefinn um allt milli himins og jarðar!
Sólin
Rís 05:22 • sest 21:31
Tunglið
Rís 23:11 • Sest 05:11
Flóð
Árdegis: 06:38 • Síðdegis: 18:56
Fjara
Árdegis: 00:39 • Síðdegis: 12:46
Flestir túlka sennilega græðgi þó sem meira en bara vilja til að græða. Litið er á græðgi sem löst, hvata sem fær fólk til að ganga lengra en góðu hófi gegnir í viðleitni sinni til að hagnast. Í þeim skilningi er græðgi eiginlega andstæðan við nægjusemi, sem litið er á sem dygð. Sé þessi skilningur lagður í orðið græðgi vandast málið. Til dæmis er þá ekki ljóst hvenær einhver er gráðugur, það verður eiginlega mat hvers og eins hvort annar einstaklingur er gráðugur og fer þá meðal annars eftir því hversu langt er talið eðlilegt að ganga við að skara eld að eigin köku.
Sé græðgi litin þessum augum verður svarið flóknara. Sumir þeirra sem kaupa og selja hlutabréf og hafa þannig áhrif á verð þeirra teljast þá væntanlega gráðugir í augum sumra samborgara sinna en aðrir ekki. Í því tilviki verður þá niðurstaðan að græðgi sé einn þeirra þátta sem hafa áhrif á verð hlutabréfa.
Frekara lesefni á Vísindavefnum: