Hvert er hæsta fjall Noregs?

Svar

Hér er einnig svör við spurningunum:

• Hvert er hæsta fjall í heimi?
• Hver eru hæstu fjöll í hverri heimsálfu?

Hæst fjall Noregs, sem jafnframt er hæsta fjall Norðurlandanna, kallast Galdhøppiggen og er 2470 metra hátt. Fjallið er á svæði sem kallast Jötunheimar og eru næstu bæir við það Sandane og Nordfjordeild í um 40 km fjalægð.


Tékkneskur fjallgöngugarpur á toppi Galdhøppiggen.
Galdhøppiggen er 6380 metrum lægra en Mount Everest, hæsta fjall heims, sem er 8850 metra hátt. Hæsta fjall Evrópu er svo Elbrus, 5642 metra hátt. Elbrus er hluti af Kákasus-fjallgarðinum í Kabardino Badriya-héraði við landamæri Rússlands og Georgíu. Galdhøppiggen er 3172 metrum lægra en Elbrus.

Taflan sýnir hæstu fjöll heimsálfanna sjö, í hvaða landi þau eru, hvað þau eru há og hve mörgum metrum hærri en Galdhøppiggen þau eru.

Heimsálfa	Land	Fjall	Hæð fjallsins	Hve mikið hærri
Asía	Nepal	Mount Everest	8850 m	4490 m
Suður-Ameríka	Argentína	Cerro Aconcagua	6960 m	4490 m
Norður-Ameríka	Bandaríkin (Alaska)	Mount McKinley (Denali)	6194 m	3724 m
Afríka	Tansanía	Kilimanjaro	5895 m	3425 m
Evrópa	Rússland	Elbrus	5642 m	3172 m
Suðurskautsl.	Suðurskautsl.	Vinson Massif	4897 m	2427 m
Eyjaálfa	Papúa Nýja Gínea	Mount Wilhelm	4509 m	2039 m

Á Vísindavefnum eru fleiri svör um há fjöll, til dæmis:

• Hver eru 10 hæstu fjöllin í heiminum? eftir Baldvin Inga Gunnarsson og Sindra Guðmundsson.
• Hver eru 5 hæstu fjöll Íslands? eftir Bryndísi Ósk Þorleifsdóttur.
• Hvernig myndast fellingafjöll? eftir Sigurð Steinþórsson.
• Hvað eru margir tindar í Himalajafjallgarðinum? eftir Ulriku Andersson.
• Hvað heitir hæsta fjall Rússlands? eftir Ívar Daða Þorvaldsson.

Helstu heimildir og mynd:

• The Seven Summits.
• World Fact Book.
• Myndin er af heimasíðu David Masin.

Þetta svar er eftir nemanda í Háskóla unga fólksins, námskeiðum á vegum HÍ fyrir 12-16 ára ungmenni í júnímánuði 2005.