Getur verið að orðið ananas sé komið af orðinu bananas?

Svar

Orðið banani er talið hafa borist til Evrópu með Portúgölum sem fluttu það með sér frá Gíneu á 16. öld. Þar mun það hafa verið notað í einni af mállýskum heimamanna. Sama er að segja um orðið ananas að það munu Portúgalar einnig hafa flutt með sér til Evrópu á 16. öld. Það er talið fengið úr indjánamálunum tupí og guaraní í Suður-Ameríku. Þar mun ávöxturinn hafa verið kallaður anáná, náná eða eitthvað nálægt þessu. S-ið í enda orðsins mun vera fleirtöluending sem skilin var sem hluti grunnorðsins.

Frekara lesefni á Vísindavefnum:

• Hvenær voru bananar fyrst ræktaðir á Íslandi? eftir Ívar Daða Þorvaldsson
• Hvernig og hvar vex ananas? eftir Jón Má Halldórsson

Heimild og mynd:

• Friedrich Kluge 2002. Etymologisches Wörterbuch der deutschen Sprache. 24. úgáfa. Berlin/New York, Walter de Gruyter.
• en.wikipedia.org - pineapple. Sótt 10.5.2011.

Upprunalega spurningin hljóðaði svo:

Getur verið að orðið ananas sé komið af orðinu bananas? Sagan segir að þegar ananas hafi fyrst verið fluttur til Evrópu hafi þeir einfaldlega strikað út b-ið í bananas.