Eru geimverur stórar?

Svar

Menn hafa ekki enn fundið nein dæmi um líf annars staðar í geimnum en á jörðinni. Vísindamenn gera hins vegar fyllilega ráð fyrir því að það sé líf utan jarðar, en galdurinn er bara að finna það.

Einu geimverurnar sem við vitum um í dag erum við sjálf. Eða kannski allt það líf sem er og hefur verið á jörðinni í gegnum þúsundir, milljónir og milljarða ára. Lífið á jörðinni sýnir okkur að lífverur geta verið mjög breytilegar að stærð, allt frá einfrumungum svo litlum að þeir verða ekki greindir með berum augum upp í risaeðlur sem voru allt að 55 tonn að þyngd og nokkrir tugir metrar að lengd.

Það er ekkert sem bendir til þess að ef líf er að finna á öðrum hnöttum þá sé það eins og það líf sem þróaðist hér á jörðinni. Ef við tökum hins vegar mið af því sem við þekkjum þá má alveg gera ráð fyrir að fjölbreytileikinn og þar með stærðin sé ekki minni en það sem vitað er um á plánetunni okkar.

Á Vísindavefnum eru fjölmög svör um geimverur og líf á öðrum hnöttum, til dæmis:

• Eru geimverur til? eftir HB og ÞV
• Eru geimverur með stóran og grænan haus? eftir Þorstein Vilhjálmsson
• Hvernig er hægt að sanna að það sé ekki líf á einhverri plánetu? eftir Þorstein Vilhjálmsson
• Er eða hefur verið líf á reikistjörnunni Mars? eftir Þorstein Þorsteinsson
• Ef við erum ekki einu vitsmunaverurnar í heiminum, af hverju verðum við þá ekki vör við útvarpsbylgjur frá öðrum? eftir Sævar Helga Bragason

Mynd:

• en.wikipedia.org - animal. Sótt 12.5.2011.

---

Þetta svar er í flokknum "bekkirnir spyrja" þar sem starfsfólk vefsins svarar spurningum frá grunnskólabekk í kennslustund, samkvæmt samningi. Lögð er áhersla á skjót svör, stutt og aðgengileg. Oft er byggt á öðrum svörum sem kunna að nýtast almennum lesendum betur.