Hvers konar gos er það sem nú er nýlega hafið í Grímsvötnum 2011?

Svar

Grímsvötn eru ein virkasta eldstöð landsins. Í svari við spurningunni: Hvaða eldfjall hefur gosið mest? kemur fram að Grímsvötn hafa líklega gosið oftar en 30 sinnum á síðustu 400 árum.

MODIS-gervitunglamynd frá 22.5.2011, tekin klukkan 5 um morgun. Á myndinni sést gosmökkurinn frá eldstöðinni í Grímsvötnum. Dökka svæðið er í skugga frá efri hluta gosstróksins í austurjaðrinum.
Grímsvötn eru þrjár samliggjandi öskjur og í þeirri yngstu er vatnið sem eldstöðin dregur nafn sitt af. Eldfjallið er undir Vatnajökli og þar kemur aðallega upp basaltkvika. Þegar kvikan kemst í snertingu við ís og bræðsluvatn verður svokallað sprengigos. Hægt er að lesa meira um sprengigos í svari Sigurðar Steinþórssonar við spurningunni: Hver er munurinn á sprengigosi og seigfljótandi gosi

Frekara lesefni á Vísindavefnum:

• Hvað er eldgos? eftir Ármann Höskuldsson
• Hvað er gosaska? eftir Sigurð Steinþórsson
• Hvert berst gosaska? eftir Trausta Jónsson
• Er eldvirkni á Íslandi sveiflukennd? eftir Sigurð Steinþórsson
• Hvaðan kemur heitið á Grímsvötnum og Grímsfjalli? eftir Svavar Sigmundsson

Heimild:

• Jarðvísindastofnun Háskólans.

Mynd:

• Mökkur og eldingar á Veður.is. Sótt 23.5.2011.