Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Árnastofnun - mynd í *Árnarstofnun

Hver er uppruni orðanna hjónaband og hjón? Eru til skyld orð í öðrum tungumálum?

Orðið hjón er til í einhverri mynd í flestum Norðurlandamálum. Í færeysku er til hjún, í eldri nýnorsku hjon, hjun, eldri sænsku hjon 'maki; þjónn', forndönsku hjøn. Orðin eru samgermönsk. Í fornháþýsku voru til orðmyndirnar hiuuin, hiwen, hiun í merkingunni 'hjúskaparaðili' og í fornensku hiwa (í eignarfalli hina) 'hjúskaparaðili; þjónn'.



Orðið hjón er til í einhverri mynd í flestum Norðurlandamálum.

Hjón er upphaflega tvímynd við hjú 'vinnumaður eða vinnukona; hjúskaparaðilar', eignarfall fleirtölu í hvorugkyni af germanska orðinu hīwan- 'hjúskaparaðili; hjú'.

Hjónaband má þá skilja sem band, tengsl, milli hjúskaparaðila.

Mynd: Eric Harshbarger's LEGO® Website

Útgáfudagur

30.5.2006

Spyrjandi

Svala Jónsdóttir

Höfundur

Guðrún Kvaran

prófessor

Tilvísun

Guðrún Kvaran. „Hver er uppruni orðanna hjónaband og hjón? Eru til skyld orð í öðrum tungumálum? “ Vísindavefurinn, 30. maí 2006. Sótt 14. febrúar 2016. http://visindavefur.is/svar.php?id=5981.

Guðrún Kvaran. (2006, 30. maí). Hver er uppruni orðanna hjónaband og hjón? Eru til skyld orð í öðrum tungumálum? Vísindavefurinn. Sótt af http://visindavefur.is/svar.php?id=5981

Guðrún Kvaran. „Hver er uppruni orðanna hjónaband og hjón? Eru til skyld orð í öðrum tungumálum? “ Vísindavefurinn. 30. maí. 2006. Vefsíða. 14. feb. 2016. <http://visindavefur.is/svar.php?id=5981>.

Chicago | APA | MLA

Sendu inn spurningu
eða

Vísindadagatalið

Geisladiskar

Geisladiskurinn kom fyrst fram árið 1982. Hollenska fyrirtækið Philips og japanska fyrirtækið Sony þróuðu geisladiskana í samvinnu. Ýmsar sögur eru til af því hvernig stærð diskanna var ákveðin. Samkvæmt einni var diskurinn stækkaður upp í 12 cm svo að hægt væri að koma fyrir 74 mínútna langri upptöku af níundu sinfóníu Beethovens á einum disk.