Senda inn spurningu
Sólin Sólin Rís 05:43 • sest 21:13 í Reykjavík
Tunglið Tunglið Rís 13:37 • Sest 06:11 í Reykjavík
Flóð Flóð Árdegis: 02:59 • Síðdegis: 15:47 í Reykjavík
Fjaran Fjara Árdegis: 09:39 • Síðdegis: 21:50 í Reykjavík
Visit the English version

Flokkun:

Náttúruvísindi og verkfræði Tölvunarfræði

Hvað er HTML?

Stefán Þorvarðarson og Ívar Daði Þorvaldsson

HTML (HyperText Markup Language) er svonefnt umbrotsmál fyrir tölvur sem lýsir því hvernig innihald vefsíðu birtist. HTML er grunnur allra vefsíðna á Internetinu. Með HTML er hægt að skilgreina texta, myndir, töflur, hlekki og fleira. Ein helsta nýjungin við HTML á sínum tíma var að með því var hægt að tengja saman síður með hlekkjum.

HTML eru einfaldlega textaskjöl sem fylgja ákveðnum reglum. Þegar viðeigandi vafri (e. browser) les HTML-textaskjalið þá er það túlkað og innihaldinu breytt í myndrænt form fyrir notandann.

Tim Berners-Lee.

Aðdragandann að HTML má rekja allt aftur til 1980 þegar eðlisfræðingurinn Tim Berners-Lee, sem starfaði hjá Evrópsku rannsóknastöðinni í öreindafræði, CERN, hannaði kerfi þar sem starfsmenn CERN gátu unnið með skjöl og deilt þeim á milli sín. Níu árum síðar lagði hann svo drög að HTML-staðlinum en fyrsta útgáfan kom út í lok árs 1990. Nýjasta útgáfan heitir HTML 5.0 og er hún enn í þróun.

Fyrir áhugasama má benda á að unnt er að skoða HTML-kóða fyrir tiltekna heimasíðu. Í flestum vöfrum er þetta gert með því að hægri smella með músinni einhvers staðar á síðuna og velja View Page Source eða Sýna frumkóða síðu.

Mynd:

Höfundar

Stefán Þorvarðarson

tölvunarfræðingur

Ívar Daði Þorvaldsson

Ívar Daði Þorvaldsson

M.Sc. í hugbúnaðarverkfræði og fyrrverandi starfsmaður Vísindavefsins

Útgáfudagur

4.10.2012

Spyrjandi

Ritstjórn

Efnisorð

Tilvísun

Stefán Þorvarðarson og Ívar Daði Þorvaldsson. „Hvað er HTML?“ Vísindavefurinn, 4. október 2012. Sótt 18. apríl 2024. http://visindavefur.is/svar.php?id=62385.

Stefán Þorvarðarson og Ívar Daði Þorvaldsson. (2012, 4. október). Hvað er HTML? Vísindavefurinn. Sótt af http://visindavefur.is/svar.php?id=62385

Stefán Þorvarðarson og Ívar Daði Þorvaldsson. „Hvað er HTML?“ Vísindavefurinn. 4. okt. 2012. Vefsíða. 18. apr. 2024. <http://visindavefur.is/svar.php?id=62385>.

Chicago | APA | MLA

Tengd svör

Þessi síða notar vafrakökur Nánari upplýsingar

Ég samþykki
Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Hvað er HTML?
HTML (HyperText Markup Language) er svonefnt umbrotsmál fyrir tölvur sem lýsir því hvernig innihald vefsíðu birtist. HTML er grunnur allra vefsíðna á Internetinu. Með HTML er hægt að skilgreina texta, myndir, töflur, hlekki og fleira. Ein helsta nýjungin við HTML á sínum tíma var að með því var hægt að tengja saman síður með hlekkjum.

HTML eru einfaldlega textaskjöl sem fylgja ákveðnum reglum. Þegar viðeigandi vafri (e. browser) les HTML-textaskjalið þá er það túlkað og innihaldinu breytt í myndrænt form fyrir notandann.

Tim Berners-Lee.

Aðdragandann að HTML má rekja allt aftur til 1980 þegar eðlisfræðingurinn Tim Berners-Lee, sem starfaði hjá Evrópsku rannsóknastöðinni í öreindafræði, CERN, hannaði kerfi þar sem starfsmenn CERN gátu unnið með skjöl og deilt þeim á milli sín. Níu árum síðar lagði hann svo drög að HTML-staðlinum en fyrsta útgáfan kom út í lok árs 1990. Nýjasta útgáfan heitir HTML 5.0 og er hún enn í þróun.

Fyrir áhugasama má benda á að unnt er að skoða HTML-kóða fyrir tiltekna heimasíðu. Í flestum vöfrum er þetta gert með því að hægri smella með músinni einhvers staðar á síðuna og velja View Page Source eða Sýna frumkóða síðu.

Mynd:

...