Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvernig getur það staðist að nú sé magn aflandskróna að aukast?

Það er ekki beinlínis svo að magn aflandskróna hafi verið að aukast. Sé litið á það hver þróunin hefur verið, hefur aflandskrónum fækkað undanfarin ár eins og sagt er frá í nýbirtu riti Seðlabanka Íslands, Fjármálastöðugleika, á blaðsíðu 59 og þar á eftir. Þar kemur fram að þessar krónueignir hafi minnkað um 145 milljarða frá september 2009 og séu nú um 425 milljarðar króna.

Seðlabanki Íslands.

Á hinn bóginn segir einnig í ritinu að áhrif af uppgjörum fallinna fjármálafyrirtækja gætu orðið þau að krónueignir af þessu tagi aukist um 190 milljarða króna. Hver þróunin verður með hinar eiginlegu aflandskrónur og þær viðbótarkrónur af þessu tagi sem bæst gætu við í uppgjörum fallinna fjármálafyrirtækja er að sjálfsögðu einhverri óvissu háð. Það er þó rétt að geta þess að fram kom í máli seðlabankastjóra við kynningu á skýrslunni 6. júní 2012 að það vandamál væri viðráðanlegt, sérstaklega í ljósi þess gjaldeyris sem innlendir aðilar koma til með að fá frá föllnu bönkunum.

Um þetta er hægt að lesa meira í skýrslunni Fjármálastöðugleiki 2012/1 á blaðsíðu 59-63.

Mynd:

Útgáfudagur

13.6.2012

Spyrjandi

Jón Ingólfur Magnússon

Höfundur

Stefán Jóhann Stefánsson

ritstjóri í Seðlabanka Íslands

Tilvísun

Stefán Jóhann Stefánsson. „Hvernig getur það staðist að nú sé magn aflandskróna að aukast?“. Vísindavefurinn 13.6.2012. http://visindavefur.is/?id=62764. (Skoðað 2.8.2014).

Sendu inn spurningu
eða

Vísindadagatalið

Ernest Gellner

1925-1995

Tékknesk-enskur félagsfræðingur og heimspekingur. Skrifaði töluvert um þjóðernishyggju og gagnrýndi m.a. mannamálsheimspeki Wittgensteins og annarra.