Gáta: Hvernig komst traktorinn á eyjuna?

Svar

Þú ert staddur á eyju sem staðsett er í miðju stöðuvatni. Engin brú tengir eyjuna við land og raunar hefur aldrei verið brú þar á milli.

Á hverjum degi ekur traktor með hey um eyjuna á vagni sem við hann er tengdur. Það er svo sem ekki frásögum færandi nema fyrir þær sakir að þér er tjáð að traktorinn hafi hvorki verið fluttur á eyjuna með báti hvers konar né með loftfari. Traktorinn var ekki smíðaður á eyjunni og honum var ekki lyft yfir með tólum og tækjum, svo sem krana. Vatnið gufar heldur ekki upp!

Hvernig komst traktorinn eiginlega á eyjuna?

Traktorinn er mikið þarfaþing!

Hægt er að senda inn lausn á gátunni á þetta netfang. Svar við gátunni verður svo birt að viku liðinni, ásamt nöfnum þeirra sem sendu inn réttar lausnir.

Lausn við gátunni, ásamt nöfnum þeirra sem sendu inn réttar lausnir, hefur nú verið birt hér.

Mynd:

• Tractor - Wikipedia, the free encyclopedia. (Sótt 5.7.2012).