Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hver fann upp silfur (Ag)?

Silfur er svokallað frumefni. Hugtakið frumefni er notað um efni sem ekki er hægt að kljúfa í önnur einfaldari efni með aðferðum efnafræðinnar. Það var Frakkinn Antoine-Laurent Lavoisier (1743-1794) sem fyrstur setti fram skilgreiningu á frumefnum. Hugtakið frumeind er notað um smæstu eind frumefnis.

Silfur er svokallað frumefni. Það myndast í miklum hamförum þegar stjörnur hrynja saman og springa.

Silfur er frumefni númer 47 í lotukerfinu og efnatákn þess er Ag. Það er dregið af latnesku heiti silfurs sem er Argentum. Nafn Argentínu í Suður-Ameríku á rætur að rekja til þess.

Silfur er ekki uppfinning heldur myndast það í miklum hamförum þegar stjörnur hrynja saman og springa. Þá losnar gríðarleg orka. Öll frumefni sem eru þyngri en járn verða til á sama hátt. Um myndun frumefna má lesa í fróðlegu svari eftir Ottó Elíasson við spurningunni Hvernig verða frumeindir til?

Silfur hefur verið þekkt frá því sögur hófust. Myndin er frá lokum 15. aldar og sýnir silfurnámu og silfurvinnslu.

Silfur hefur verið þekkt frá því sögur hófust. Silfur er nokkrum sinnum nefnt í fyrstu Mósebók Gamla testamentisins og er það líklega elsta ritheimildin um silfur. Silfur hefur hæsta leiðni allra málma við staðalskilyrði.

Heimildir:

Myndir:

Útgáfudagur

18.3.2016

Spyrjandi

Ljósbrá Loftsdóttir

Höfundur

Tilvísun

JGÞ. „Hver fann upp silfur (Ag)?“ Vísindavefurinn, 18. mars 2016. Sótt 26. september 2016. http://visindavefur.is/svar.php?id=66355.

JGÞ. (2016, 18. mars). Hver fann upp silfur (Ag)? Vísindavefurinn. Sótt af http://visindavefur.is/svar.php?id=66355

JGÞ. „Hver fann upp silfur (Ag)?“ Vísindavefurinn. 18. mar. 2016. Vefsíða. 26. sep. 2016. <http://visindavefur.is/svar.php?id=66355>.

Chicago | APA | MLA

Sendu inn spurningu
eða

Vísindadagatalið

Lím

Flest lím sem við notum dags daglega eru blönduð vatni eða öðrum leysiefnum. Í venjulegu lími eru efnahópar sem mynda veik tengi við sameindir á yfirborði þeirra hluta sem límið getur límt. Algengust slíkra tengja eru vetnistengi. Fyrr á öldum var lím m.a. búið til með því að sjóða horn, klaufir og bein dýra í sýrulausn.