Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Árnastofnun - mynd í *Árnarstofnun

Hvað merkir heiti fjallsins Baulu í Borgarfirði?

Upprunalega Spurningin hljóðaði svona:
Mér leikur forvitni á að vita hver er merking nafnsins á fjallinu Baulu í Borgarfirði.

Örnefnið Baula er til á nokkrum stöðum í landinu:

  1. Baula í Borgarfirði, keilulaga fjall úr líparíti. Af því dregur orðið baulusteinn (= líparít) nafn sitt.
  2. Sker í Rifgirðingum á Breiðafirði.
  3. Sker nálægt Diskæðarskeri á Breiðafirði. Suðaustur af því eru 3 lítil blindsker sem heita Baulubörn.
  4. Söðulbakað sker nálægt Stykkishólmi á Snæfellsnesi. Baulhólmi og Baulutangi eru þar nærri.
  5. Sker inn og fram af Kálfhólma út af Klofningi í Dalasýslu.
  6. Grasgil í Hrauni í Keldudal í Dýrafirði.
  7. Neðri-Baula er há brún og Efri-Baula grjótmelar og bungur í landi Skóga í Glæsibæjarhreppi í Eyjafirði. Grjótið í Neðri-Baulu er ljóst og líparítkennt. Þessar hæðir eru einnig oft nefndar Beylur.
  8. Hábaula er hæsti hryggur Múlans í Skriðdal.
  9. Baula er einnig í landi Hörgsholts í Hrunamannahreppi.

Orðið baula er sama og beyla og er merking þess „kryppa, herðakistill“. Í samsettum örnefnum þar sem Baula er fyrri liður, til dæmis í nafninu Baulubrekka í Öxney á Breiðafirði, er átt við kú, einnig í bæjarnafninu Baulhús í Arnarfirði.

Baula í Borgarfirði. Orðið baula er sama og beyla og er merking þess „kryppa, herðakistill“.

Mynd:


Þetta svar hefur einnig birst sem pistill á vef Stofnunar Árna Magnússonar og er birt hér með góðfúslegu leyfi.

Útgáfudagur

14.3.2016

Spyrjandi

Soffía Ingibjörg Guðmundsdóttir

Höfundur

Svavar Sigmundsson

fyrrv. forstöðumaður Örnefnastofnunar

Tilvísun

Svavar Sigmundsson. „Hvað merkir heiti fjallsins Baulu í Borgarfirði?“ Vísindavefurinn, 14. mars 2016. Sótt 8. desember 2016. http://visindavefur.is/svar.php?id=71772.

Svavar Sigmundsson. (2016, 14. mars). Hvað merkir heiti fjallsins Baulu í Borgarfirði? Vísindavefurinn. Sótt af http://visindavefur.is/svar.php?id=71772

Svavar Sigmundsson. „Hvað merkir heiti fjallsins Baulu í Borgarfirði?“ Vísindavefurinn. 14. mar. 2016. Vefsíða. 8. des. 2016. <http://visindavefur.is/svar.php?id=71772>.

Chicago | APA | MLA

Sendu inn spurningu
eða

Vísindadagatalið

Sápuóperur

Sápuóperur eru melódramatískir framhaldsþættir í sjónvarpi. Sápuóperur hófu skeið sitt sem útvarpsefni á fjórða áratugi 20. aldar. Í Bandaríkjunum voru framleiðendur sápu og þvottaefna lengi vel helstu styrktaraðilar þáttanna og þaðan kemur nafngiftin. Sápuóperur eiga margt sameiginlegt með óperuforminu, t.d. áherslu á tilfinningasemi og einfaldar persónur.