Vísindavefurinn: Samstarfssamningur Landsvirkjunar og Vísindavefs Háskóla Íslands undirritaður

Hlusta

Vísindavefur Háskóla Íslands og Landsvirkjun hafa undirritað samning til þriggja ára um samstarf á sviði vísindamiðlunar. Samningurinn kveður á um samstarf um vandaða og nútímalega vísindamiðlun til almennings. Sameiginlegt markmið Landsvirkjunar og Vísindavefsins er að fræða ungt fólk og almenning um vísindi. Landsvirkjun var áður einn aðalstyrktaraðili Vísindavefsins, frá árinu 2011 til ársins 2015.

Vísindavefur HÍ hefur verið starfræktur frá árinu 2000. Síðan þá hafa þar birst rúmlega 11.000 svör við spurningum almennings. Á hverjum degi senda gestir Vísindavefsins inn fjölmargar nýjar spurningar. Duglegustu spyrjendurnir eru yfirleitt á aldrinum 10-20 ára. Heildarfjöldi spurninga sem á eftir að svara er rúmlega 35.000.

Hörður Arnarson, forstjóri Landsvirkjunar skrifaði undir samstarfssamning við Vísindavef HÍ. Samningurinn er til þriggja ára og kveður á um samstarf um vandaða og nútímalega vísindamiðlun til almennings. Magnús Diðrik Baldursson, formaður stjórnar Vísindavefsins, og Jón Gunnar Þorsteinsson, ritstjóri Vísindavefsins, undirrituðu samninginn fyrir hönd Vísindavefsins.

Samstarfssamningar gera Vísindavefnum kleift að sinna sérstaklega tilteknum áhugasviðum lesenda og gesta vefsins. Áhugi almennings á rafmagni, orkumálum og loftslagsbreytingum hefur farið mjög vaxandi.

Þegar er búið að svara mörgum spurningum um rafmagn, orku og loftslagsbreytingar en fjölmargar spurningar bíða enn úrlausnar. Margar þeirra snúa sérstaklega að notkun orkunnar á sjálfbæran hátt og tengslum orkunotkunar við loftslagsmál. Samstarfssamningurinn við Landsvirkjun veitir Vísindavefnum tækifæri til að sinna þessu sérstaklega á næstu misserum.

Vísindavefurinn hefur reynslu af fjölbreyttu starfi sem tengist vísindamiðlun, til dæmis námskeiðahaldi um vísindi fyrir fjölskyldur, bókaútgáfu um vísindi og gerð vísindadagatals, svo nokkur dæmi séu nefnd.

Landsvirkjun er orkufyrirtæki í eigu íslensku þjóðarinnar og vinnur rafmagn úr endurnýjanlegum orkugjöfum, vatnsafli, jarðvarma og vindorku. Fyrirtækið vinnur 73% allrar raforku í landinu, er langstærsti vinnsluaðili raforku á Íslandi og eitt af tíu stærstu orkufyrirtækjum í Evrópu á sviði endurnýjanlegra orkugjafa.

Um leið er fyrirtækið leiðandi í sjálfbærri nýtingu orkugjafa og hefur að markmiði að stuðla að aukinni þekkingu, nýsköpun og tækniþróun.

Sendu inn spurningu Leiðbeiningar Til baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

Senda grein til vinar

Samstarfssamningur Landsvirkjunar og Vísindavefs Háskóla Íslands undirritaður

Höfundur

Útgáfudagur

Spyrjandi

Efnisorð

Tilvísun

Sendu inn spurningu Leiðbeiningar Til baka

Senda grein til vinar

Samstarfssamningur Landsvirkjunar og Vísindavefs Háskóla Íslands undirritaður

Höfundur

Útgáfudagur

Spyrjandi

Efnisorð

Tilvísun

Deila

Sendu inn spurningu LeiðbeiningarTil baka

Senda grein til vinar

Sendu inn spurningu Leiðbeiningar Til baka