Hvað éta páfagaukar?

Nafn þitt

Netfang þitt

Netfang móttakanda

Ruslpóstvörn =

Svar

Hvað éta páfagaukar?
Páfagaukar fá fæðu sína að langmestu leyti úr jurtaríkinu, það geta verið fræ, hnetur, ávextir og jafnvel jurtirnar sjálfar. Tengst virðast vera á milli stærðar páfagaukanna og þeirrar fæðu sem þeir sækjast mest í. Stærri tegundir reiða sig meira á fræ en margar minni tegundir treysta meira á ávexti og blómasafa. Þá þekkist að ákveðnar tegundir grípi ýmis konar hryggleysingja sem verða á vegi þeirra og jafnvel önnur smá dýr.

Páfagaukar eru með ákaflega sterkbyggðan gogg sem er sérhæfður í að vinna á fræjum sem hafa sterkan skurn. Fræ geta verið eitruð en ýmsar páfagaukategundir hafa brugðist við með því að éta leir sem inniheldur steinefni sem soga eitruð efnasambönd í sig og fjarlægja úr maganum. Þannig er komið í veg fyrir að eiturefnin berist inn í blóðrásina og skaði páfagaukana.

Heimildir og mynd:

• Collar, N. (1997). Family Psittacidae (Parrots). Í: del Hoyo, J. o.fl. (ritstj.). Handbook of the Birds of the World. Sandgrouse to Cuckoos. Barcelona: Lynx Editions.
• Diamond, J. (1999). Dirty eating for healthy living. Nature, 400, 120–121. (Sótt 4. desember 2020).
• Benavidez, A. o.fl. (2018). Diet of Neotropical parrots is independent of phylogeny but correlates with body size and geographical range. IBIS, 160, 742-754. (Sótt 4.12.2020).
• Ara Parrot Scarlet Macaw - Free photo on Pixabay. (Sótt 4.12.2020).

...