Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Um vefinn

Vísindavefurinn

Dunhaga 5, 107 Reykjavík

Netfang: visindavefur[hjá]hi.is

Sími: 525 4765

Jón Gunnar Þorsteinssonn

Ritstjóri:

Jón Gunnar Þorsteinsson, bókmenntafræðingur (jongth[hjá]hi.is)

Emilía Dagný Sveinbjörnsdóttir

Verkefnastjórar:

Emilía Dagný Sveinbjörnsdóttir, landfræðingur (emilia[hjá]hi.is)

Emelía Eiríksdóttir

Emelía Eiríksdóttir, efnafræðingur (emelia[hjá]hi.is)

Henry Alexander Henrysson

Henry Alexander Henrysson, heimspekingur (hah[hjá]hi.is)

Ívar Daði Þorvaldsson

Ívar Daði Þorvaldsson, háskólanemi (ivardadi[hjá]hi.is)

Nanna Hlín Halldórsdóttir

Nanna Hlín Halldórsdóttir, heimspekingur (nhh1[hjá]hi.is)

Guðmundur Daði Haraldsson

Vefstjóri:

Guðmundur Daði Haraldsson, BS í sálfræði (gdh1[hjá]hi[punktur]is)

Vísindavef Háskóla Íslands var hleypt af stokkunum 29. janúar árið 2000. Þá opnaði forseti Íslands vefsetrið að viðstöddum rektor og nemendum úr Grandaskóla og Fjölbrautaskóla Suðurlands sem sendu strax inn spurningar. Vísindavefurinn var í fyrstu eitt af verkefnum Háskóla Íslands í verkefninu Reykjavík - menningarborg Evrópu árið 2000.

Skemmst er frá því að segja að áhugi almennings á Vísindavefnum reyndist miklu meiri en nokkur maður hafði gert sér í hugarlund og þess vegna er vefurinn nú tíu ára þó að honum hafi upphaflega verið tjaldað til eins árs í mesta lagi.

Vísindavefurinn fjallar um öll vísindi, hverju nafni sem nefnast, allt frá stjörnufræði til handrita og frá sameindalíffræði til sálarfræði. Gestir geta lesið á vefnum svör við spurningum um flest milli himins og jarðar og einnig lagt fram nýjar spurningar um hvaðeina sem ætla má að starfsmenn Háskólans og stuðningsmenn vefsins geti svarað eða fundið svör við. Spurningarnar fara rakleiðis til starfsmanna vefsins. Gestir geta einnig sett fram efnisorð í leitarvél sem tengjast því sem þá fýsir að vita og fengið ábendingar um svör og annað tengt efni sem þegar er komið á vefinn. Efnið á vefsetrinu er orðið svo umfangsmikið að verulegar líkur eru á að menn geti með þessum hætti fengið svar við spurningum sínum umsvifalaust.

Að baki vefsetri sem þessu liggur mikil vinna í forritun og hönnun, bæði til þess að gera efnið aðgengilegt notendum og eins til að auðvelda vinnslu. Kerfið var forritað með það í huga að ritstjórnin gæti auðveldlega haldið utan um kerfið án þess að þurfa að huga að uppsetningu eða flutningi gagna út á vefinn. Hið íslenska eimreiðafélag sá um að forrita vefinn í upphafi en undanfarin ár hefur aðalhönnuður og vefstjóri Visindavefsins verið Guðmundur Daði Haraldsson.

Aðalstyrktaraðili Vísindavefsins er Happdrætti Háskóla Íslands og hefur það lagt fram þá fjárhagslegu kjölfestu sem vefurinn hefur þurft; án hennar væri hann ekki lengur til. Orkuveita Reykjavíkur og Landsbanki Íslands gengu til samstarfs við vefinn strax á fyrsta árinu og samstarf við Landsbankann hefur staðið allar götur síðan. Þessi fyrirtæki hafa þannig sýnt lofsverðan áhuga á útbreiðslu þekkingar og fræðslu til almennings og til æskunnar í landinu. Fræðslumiðstöð Reykjavíkurborgar hefur styrkt Vísindavefinn nokkrum sinnum með fjárframlögum og nýlega var gerður þriggja ára samstarfssamningur við Umhverfisvefinn sem er á ábyrgð Umhverfisfræðsluráðs. Reiknistofnun Háskólans hefur veitt vefnum margvíslega aðstoð og sér um rekstur vélbúnaðar. Vísindavefurinn var lengi vel í samvinnu við Morgunblaðið um birtingu á vikulegum dálki með völdum spurningum og svörum og frá og með árinu 2004 tók Fréttablaðið við því hlutverki um nokkurra ára skeið. Fleiri hafa komið við sögu þó að þeir verði ekki nefndir hér en við þökkum öllum samstarfs- og stuðningsaðilum sérlega góðar viðtökur við hugmyndum okkar.

Margir hafa einnig lagt hönd á plóg sem starfsmenn vefsins ásamt Þorsteini Vilhjálmssyni, prófessor í eðlisfræði og vísindasögu, sem var aðalritstjóri frá byrjun og fram til sumarsins 2010. Fyrstu starfsmennirnir voru Tryggvi Þorgeirsson sem þá var nýstúdent og Hrannar Baldursson uppeldisfræðingur. Þeir unnu störf sín við vefinn erlendis fyrsta kastið enda er hægt að sinna honum hvar sem er á jörðinni. Meðal annarra fyrrverandi starfsmanna má nefna Hauk Má Helgason, Hrannar Baldursson, Eyju Margréti Brynjarsdóttur, Ögmund Jónsson, Einar Örn Þorvaldsson, Ólaf Pál Jónsson, Helgu Sverrisdóttur, Stefán Jónsson, Unnar Árnason og Heiðu Maríu Sigurðardóttur. Emilía Dagný Sveinbjörnsdóttir hefur ýmist verið búsett á Ísafirði eða í Kanada frá því að hún hóf störf við vefinn og þannig haldið við þeirri hefð að þessi störf séu unnin hvar sem er.

Í stjórn Vísindavefsins sitja Magnús Diðrik Baldursson, skrifstofustjóri rektorsskrifstofu og gæðastjóri, sem er formaður, Kristín Bjarnadóttir, dósent í stærðfræðimenntun við HÍ, sem er ritari og Hans Júlíus Þórðarson, markaðs- og kynningarstjóri Happdrættis Háskóla Íslands. Varamenn eru Eyja Margrét Brynjarsdóttir, nýdoktor við Heimspekistofnun HÍ, Kristján Leósson eðlisverkfræðingur við HÍ og Jón Örn Guðbjartsson sviðsstjóri markaðs- og samskiptasviðs HÍ.


Vinsamlegast sendið okkur tölvupóst um hvaðeina sem þið viljið segja um Vísindavefinn, einkum það sem betur má fara.

Sendu inn spurningu
eða

Vísindadagatalið

Linda Darling-Hammond

1951

Bandarísk menntavísindakona, höfundur bóka og greina um menntastefnu og skólastarf, hefur einkum fjallað um skipulagsbreytingar í skólum, kennaramenntun og jafnræði í menntun.