Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvaða arkitekt hannaði Colosseum í Róm, hve stórt er það og hve gamalt?

Colosseum, hringleikahúsið í Róm, var reist á árunum 70-82 e.Kr. Vinna hófst við það undir stjórn Vespasíanusar keisara en Títus keisari vígði það árið 80 með hundrað daga kappleikjum. Tveimur árum síðar lýkur Dómitíanus, þriðji keisarinn sem að byggingunni kom, við efstu hæð mannvirkisins sem þá er fullgert.


Arkitektinn er ókunnur og eins víst að margir hafi komið að hönnun með einum eða öðrum hætti.

Colosseum er sporöskjulaga og þekur 190x155 metra. Húsið tekur 50.000 manns í sæti. Það var fyrsta hringleikahúsið sem reist var án stuðnings landslags og jarðefnis því að fram að þessu höfðu hringleikahús verið grafin í jörð eða berg í brekkum. Í Rómaveldi voru hringleikahús af þessum toga notuð undir skemmtanir sem einkum fólust í bardögum milli dýra, dýra og manna eða manna eingöngu. Þar var barist til dauða við fögnuð viðstaddra.

Á miðöldum varð byggingin fyrir miklum skemmdum af völdum eldinga, jarðskjálfta og skemmdarverka.

Frekara lesefni á Vísindavefnum:

Heimildir og mynd:

Útgáfudagur

29.10.2000

Spyrjandi

Gyrðir Viktorsson, f. 1991

Höfundur

HMH

heimspekingur og fyrrverandi starfsmaður Vísindavefsins

Tilvísun

HMH. „Hvaða arkitekt hannaði Colosseum í Róm, hve stórt er það og hve gamalt?“. Vísindavefurinn 29.10.2000. http://visindavefur.is/?id=1051. (Skoðað 2.9.2014).

Sendu inn spurningu
eða

Vísindadagatalið

Leonhard Euler

1707-1783

Svissneskur stærðfræðingur og eðlisfræðingur, einn af afkastamestu vísindamönnum allra tíma. Gerði margar uppgötvanir og mótaði einnig orðaforða og táknmál stærðfræðinnar.