Hvers vegna fær maður straum þegar maður fer út úr bíl í frosti og hvernig kemur maður í veg fyrir það?

Svar

Þessari spurningu er að mestu svarað í svari Þorsteins Vilhjálmssonar og Ögmundar Jónssonar við spurningunni Hvað er stöðurafmagn? Þar kemur til dæmis fram að stöðurafmagn sest öðru fremur á bíla þegar loft er þurrt, og það á einmitt oft við í frosti. Þurr dekk einangra bílana frá jörð þannig að rafhleðslan kemst ekki burt þá leiðina. Ef maður stendur við bílinn og snertir hann getur rafstraumurinn hins vegar farið um manninn til jarðar. Úr þessu má draga með því að vera til dæmis með hanska og í einangrandi skóm, til dæmis með gúmmísólum.

Mynd:

• Wikimedia Commons - Toyota Avensis. Sótt 31.3.2011.