Senda inn spurningu
Sólin Sólin Rís 04:51 • sest 22:00 í Reykjavík
Tunglið Tunglið Rís 05:07 • Sest 14:10 í Reykjavík
Flóð Flóð Árdegis: 02:00 • Síðdegis: 14:42 í Reykjavík
Fjaran Fjara Árdegis: 08:33 • Síðdegis: 20:56 í Reykjavík
Visit the English version

Flokkun:

Vísindavefur Unga fólkið svarar

Getið þið sagt mér eitthvað um Miðgarðsorminn og Fenrisúlf?

Freyja Ingadóttir

Miðgarður er nafn úr norrænni goðafræði og var það notað um hina byggðu jörð. Miðgarðsormur var eitt þriggja afkvæma Loka Laufeyjarsonar með tröllskessunni Angurboðu. Miðgarðsormur var einn af erkifjendum Ása og umlukti hann Miðgarð.

Margar sögur eru til um Miðgarðsorm og samskipti hans við Þór. Ein sú frægasta er þegar þeir berjast í Ragnarökum. Þá drap Þór Miðgarðsorminn en þegar hann var kominn níu skref frá hræi ormsins féll Þór vegna hins banvæna eiturs sem ormurinn spjó yfir hann.

Hér bítur Miðgarðsormur á agnið sem Þór lét síga í sjó í frægum útróðri.

Fenrisúlfur var einnig afkvæmi Loka og Angurboðu og er hann ein mesta ófreskjan í norrænni goðafræði. Æsir tóku hann að sér en fjötruðu hann til öryggis. Úlfurinn sleit fyrstu tvo fjötrana sem nefndust Læðingur og Drómi. Þaðan eru orðtökin "að leysa eitthvað úr læðingi" og "drepa sig úr dróma" komin. Þriðji fjöturinn var dverga smíð og nefndist Gleipnir. Æsir lofuðu að leysa úlfinn og lögðu hönd Týs að veði. Þeir leystu hann hins vegar ekki og lét Týr þá höndina.

Í Ragnarökum varð Fenrisúlfur Óðni sjálfum að bana eftir mikil átök. Víðar, sonur Óðins, hefndi að lokum föður síns og drap úlfinn.

Heimild og mynd:

Þetta svar er eftir nemanda í Háskóla unga fólksins, námskeiðum á vegum HÍ fyrir 12-16 ára ungmenni í júnímánuði 2007.

Höfundur

Freyja Ingadóttir

nemandi í Háskóla unga fólksins

Útgáfudagur

16.6.2008

Spyrjandi

Berglind Hermannsdóttir, f. 1989

Efnisorð

Tilvísun

Freyja Ingadóttir. „Getið þið sagt mér eitthvað um Miðgarðsorminn og Fenrisúlf?“ Vísindavefurinn, 16. júní 2008. Sótt 3. maí 2024. http://visindavefur.is/svar.php?id=26401.

Freyja Ingadóttir. (2008, 16. júní). Getið þið sagt mér eitthvað um Miðgarðsorminn og Fenrisúlf? Vísindavefurinn. Sótt af http://visindavefur.is/svar.php?id=26401

Freyja Ingadóttir. „Getið þið sagt mér eitthvað um Miðgarðsorminn og Fenrisúlf?“ Vísindavefurinn. 16. jún. 2008. Vefsíða. 3. maí. 2024. <http://visindavefur.is/svar.php?id=26401>.

Chicago | APA | MLA

Þessi síða notar vafrakökur Nánari upplýsingar

Ég samþykki
Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Getið þið sagt mér eitthvað um Miðgarðsorminn og Fenrisúlf?
Miðgarður er nafn úr norrænni goðafræði og var það notað um hina byggðu jörð. Miðgarðsormur var eitt þriggja afkvæma Loka Laufeyjarsonar með tröllskessunni Angurboðu. Miðgarðsormur var einn af erkifjendum Ása og umlukti hann Miðgarð.

Margar sögur eru til um Miðgarðsorm og samskipti hans við Þór. Ein sú frægasta er þegar þeir berjast í Ragnarökum. Þá drap Þór Miðgarðsorminn en þegar hann var kominn níu skref frá hræi ormsins féll Þór vegna hins banvæna eiturs sem ormurinn spjó yfir hann.

Hér bítur Miðgarðsormur á agnið sem Þór lét síga í sjó í frægum útróðri.

Fenrisúlfur var einnig afkvæmi Loka og Angurboðu og er hann ein mesta ófreskjan í norrænni goðafræði. Æsir tóku hann að sér en fjötruðu hann til öryggis. Úlfurinn sleit fyrstu tvo fjötrana sem nefndust Læðingur og Drómi. Þaðan eru orðtökin "að leysa eitthvað úr læðingi" og "drepa sig úr dróma" komin. Þriðji fjöturinn var dverga smíð og nefndist Gleipnir. Æsir lofuðu að leysa úlfinn og lögðu hönd Týs að veði. Þeir leystu hann hins vegar ekki og lét Týr þá höndina.

Í Ragnarökum varð Fenrisúlfur Óðni sjálfum að bana eftir mikil átök. Víðar, sonur Óðins, hefndi að lokum föður síns og drap úlfinn.

Heimild og mynd:

Þetta svar er eftir nemanda í Háskóla unga fólksins, námskeiðum á vegum HÍ fyrir 12-16 ára ungmenni í júnímánuði 2007. ...