Senda inn spurningu
Sólin Sólin Rís 05:08 • sest 21:44 í Reykjavík
Tunglið Tunglið Rís 00:00 • Sest 00:00 í Reykjavík
Flóð Flóð Árdegis: 08:47 • Síðdegis: 21:08 í Reykjavík
Fjaran Fjara Árdegis: 02:49 • Síðdegis: 14:50 í Reykjavík
Visit the English version

Flokkun:

Náttúruvísindi og verkfræði Lífvísindi: dýrafræði

Hvað er strandrækja og hvar lifir hún?

Jón Már Halldórsson

Strandrækja nefnist á fræðimáli Palaemon serratus. Á dönsku ber tegundin nöfnin „Roskildereje“ eða „tigerreje“ en aðalheitið er „engelsk prawn“. Á ensku er aðalheitið „common prawn“ en strandrækjan nefnist líka „Danish lobster“. Þjóðirnar vilja því eigna hvorri annarri þessa tegund rækju.



Strandrækja (Palaemon serratus)

Strandrækja finnst frá grunnsævi niður á 40 metra dýpi, aðallega á klapparbotni. Hún er algengari þar sem fyrir er þéttur þangskógur en dvelur þó einnig í talsverðum mæli á svæðum þar sem þang er ekki afgerandi í vistkerfinu.

Búsvæði hennar nær frá ströndum Vestur-Evrópu, Skotlands og Danmerkur í norðri, allt suður til strandsvæða Vestur-Sahara, Kanaríeyja, Madeiraeyjaklasans og Asoreyja. Hún lifir einnig í Miðjarðar- og Svartahafi. Við Bretlandseyjar er strandrækjan mun algengari við suður- og vesturströndina en áberandi sjaldgæfari norðarlega, norður af Thamesánni.

Strandrækjan getur orðið allt að 110 mm á lengd en meðallengdin er í kringum 90 mm. Hún hefur áberandi þverrendur á skildinum sem gefur henni auðkennandi útlit. Hún er talsvert veidd syðst á útbreiðslusvæði sínu og við Bretlandseyjar er hún stundum nýtt til beitu.

Skoðið einnig svar sama höfundar við spurningunni Hvernig rækja lifir hér við land og hvert er atferli hennar?

Mynd: el acuarista: El Sitio Web Latinoamericano de Acuariofilia y Disciplinas afines.

Höfundur

Jón Már Halldórsson

Jón Már Halldórsson

líffræðingur

Útgáfudagur

5.9.2003

Spyrjandi

Elmar Bjarnason

Efnisorð

Tilvísun

Jón Már Halldórsson. „Hvað er strandrækja og hvar lifir hún?“ Vísindavefurinn, 5. september 2003. Sótt 28. apríl 2024. http://visindavefur.is/svar.php?id=3713.

Jón Már Halldórsson. (2003, 5. september). Hvað er strandrækja og hvar lifir hún? Vísindavefurinn. Sótt af http://visindavefur.is/svar.php?id=3713

Jón Már Halldórsson. „Hvað er strandrækja og hvar lifir hún?“ Vísindavefurinn. 5. sep. 2003. Vefsíða. 28. apr. 2024. <http://visindavefur.is/svar.php?id=3713>.

Chicago | APA | MLA

Þessi síða notar vafrakökur Nánari upplýsingar

Ég samþykki
Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Hvað er strandrækja og hvar lifir hún?
Strandrækja nefnist á fræðimáli Palaemon serratus. Á dönsku ber tegundin nöfnin „Roskildereje“ eða „tigerreje“ en aðalheitið er „engelsk prawn“. Á ensku er aðalheitið „common prawn“ en strandrækjan nefnist líka „Danish lobster“. Þjóðirnar vilja því eigna hvorri annarri þessa tegund rækju.



Strandrækja (Palaemon serratus)

Strandrækja finnst frá grunnsævi niður á 40 metra dýpi, aðallega á klapparbotni. Hún er algengari þar sem fyrir er þéttur þangskógur en dvelur þó einnig í talsverðum mæli á svæðum þar sem þang er ekki afgerandi í vistkerfinu.

Búsvæði hennar nær frá ströndum Vestur-Evrópu, Skotlands og Danmerkur í norðri, allt suður til strandsvæða Vestur-Sahara, Kanaríeyja, Madeiraeyjaklasans og Asoreyja. Hún lifir einnig í Miðjarðar- og Svartahafi. Við Bretlandseyjar er strandrækjan mun algengari við suður- og vesturströndina en áberandi sjaldgæfari norðarlega, norður af Thamesánni.

Strandrækjan getur orðið allt að 110 mm á lengd en meðallengdin er í kringum 90 mm. Hún hefur áberandi þverrendur á skildinum sem gefur henni auðkennandi útlit. Hún er talsvert veidd syðst á útbreiðslusvæði sínu og við Bretlandseyjar er hún stundum nýtt til beitu.

Skoðið einnig svar sama höfundar við spurningunni Hvernig rækja lifir hér við land og hvert er atferli hennar?

Mynd: el acuarista: El Sitio Web Latinoamericano de Acuariofilia y Disciplinas afines....