Sólin
Rís 04:58 • sest 21:54
Tunglið
Rís 05:41 • Sest 09:57
Flóð
Árdegis: 11:56 • Síðdegis: 24:37
Fjara
Árdegis: 05:49 • Síðdegis: 17:59
Spyrjandi biður einnig um myndir af litlum tígrisdýrum.
Þrír tígrishvolpar
Tígrisynjur (Panthera tigris) gjóta venjulega tveimur eða þremur hvolpum í hverju goti. Þó þekkist að allt að sex hvolpar hafi komið í goti. Afar sjaldgæft er að allir hvolparnir komist á legg, það er frekar regla en undantekning að að minnsta kosti einn deyi.
Tígrisynja með þrjá hvolpa
Tígrishvolpar koma í heiminn blindir og afar ósjálfbjarga. Þeir vega yfirleitt á bilinu 850 til 1.100 g. Frá goti nærast þeir á mjólk móður sinnar í allt að 6-8 vikur. Eftir það fer móðirin að fara með þá til bráðar sem hún hefur veitt, og leyfir þeim að spreyta sig á kjötáti. Þannig gengur það fyrir sig þangað til þeir verða 18 mánaða en þá fara þeir að veiða sér sjálfir dýr til matar. Ungu tígrisdýrin yfirgefa óðal móður sinnar þegar þau eru eins til þriggja ára gömul. Tímasetningin er raunar mjög háð því hvort móðirin sé orðin hvolpafull aftur. Einnig virðast dætur hennar halda sterkari sambandi við móður sína en synir, sem yfirgefa hana og fara á flakk og reyna að koma sér upp nýju óðali á einhverju ónumdu svæði, stundum langt frá óðali móður sinnar. Aftur á móti dveljast dæturnar hjá móður sinni jafnvel í fáein ár og koma sér upp óðali á heimasvæði móður sinnar, ef næg veiðibráð er til staðar. Myndir: Species Survival Commision: Cat Specialist Group © IUCN
Fjölmörg svör eru til á Vísindavefnum um tígrisdýr og önnur kattardýr. Þau má nálgast með því að smella á efnisorðin neðan við svarið eða setja inn orð í leitarvél Vísindavefsins. Hér skal bent á tvö áhugaverð svör eftir sama höfund:
