Hvaða stjarna sést núna á suðvesturhimninum bæði kvölds og morgna, jafnvel þó að sólin sé að koma upp?

Svar

Um þessar mundir, í febrúar 2004, skína tvær reikistjörnur skært í suðvestri á kvöldin og morgnana. Á kvöldhimninum birtist Venus björt og fögur stuttu áður en húmar að og er á himninum talsvert frameftir kvöldi. Á morgunhimninum er það hins vegar Júpíter sem sést skína bjartur. Júpíter kemur upp um rétt fyrir klukkan 22:00 á kvöldin í austri og er í suðaustri í dögun.



Myndirnar sem fylgja svarinu sýna staðsetningar reikistjarna á himninum. Þær ættu þó ekki að fara framhjá neinum sem lítur upp í himinninn á morgnanna og kvöldin, enda eru báðar reikistjörnurnar áberandi bjartar.