Senda inn spurningu
Sólin Sólin Rís 05:08 • sest 21:44 í Reykjavík
Tunglið Tunglið Rís 00:00 • Sest 00:00 í Reykjavík
Flóð Flóð Árdegis: 08:47 • Síðdegis: 21:08 í Reykjavík
Fjaran Fjara Árdegis: 02:49 • Síðdegis: 14:50 í Reykjavík
Visit the English version

Flokkun:

Náttúruvísindi og verkfræði Lífvísindi: dýrafræði

Af hverju heita síamskettir því nafni ef þeir eru ekki fastir við neitt, eins og síamstvíburar?

Jón Már Halldórsson

Heiti síamskatta er dregið af hinu forna konungsríki Síam sem í dag nefnist Tæland. Síamstvíburar draga einnig nafn sitt af Síam eins og lesa má um í svari við spurningunni Hvernig verða síamstvíburar til og hvaðan kemur þetta heiti? en fyrir utan það eru tengslin á milli kattanna og tvíburanna engin. Síamskettir voru til forna ræktaðir fyrir konunga í Síam og haldnir í höllum þeirra um aldir.



Af heimildum frá Suður-Rússlandi að dæma hafa síamskettir verið fluttir þangað á 18. öld en ekkert er vitað um afdrif þeirra. Á 19. öld var aftur tekið að flytja út síamsketti og sendiherra Breta í Síam fékk til að mynda nokkra ketti að gjöf þegar hann flutti aftur heim til Englands. Fljótlega eftir að þeir komu til nýrra heimkynna urðu síamskettirnir og afkomendur þeirra afar vinsælir á kattasýningum og teljast nú vera meðal fínustu ræktunarafbrigða á Vesturlöndum.

Árið 1902 var á Englandi stofnað fyrsta félagið um ræktun á síamsköttum og bar það nafnið Siamese Cat Fancier's Club og í Bandaríkjunum var komið á fót samtökunum The Siamese Cat Society of America. Í kjölfarið voru settir staðlar fyrir ræktun á síamsköttum.

Síamskettir eru taldir vera elsta ræktunarafbrigði katta í heiminum og eru þeir sérstakir að mörgu leyti. Þeir þykja hafa göfugt og dulúðugt útlit og margt í atferli þeirra er ólíkt köttum af öðrum ræktunarafbrigðum. Meðal annars eru tjáskipti þeirra þeirra afar frábrugðin öðrum kynjum. Að vísu mjálma þeir og mala líkt og aðrir kettir en raddblærinn er sagður vera nokkuð frábrugðinn öðrum köttum auk þess sem þeir mjálma mikið. Eigendur síamskatta hafa tekið eftir því að kettirnir virðast sýna einum fjölskyldumeðlim mikið traust og ástúð.

Mynd: The Balinese & Siamese Cat Club

Höfundur

Jón Már Halldórsson

Jón Már Halldórsson

líffræðingur

Útgáfudagur

3.8.2004

Spyrjandi

Brynja Siggeirsdóttir, f. 1993

Efnisorð

Tilvísun

Jón Már Halldórsson. „Af hverju heita síamskettir því nafni ef þeir eru ekki fastir við neitt, eins og síamstvíburar?“ Vísindavefurinn, 3. ágúst 2004. Sótt 28. apríl 2024. http://visindavefur.is/svar.php?id=4436.

Jón Már Halldórsson. (2004, 3. ágúst). Af hverju heita síamskettir því nafni ef þeir eru ekki fastir við neitt, eins og síamstvíburar? Vísindavefurinn. Sótt af http://visindavefur.is/svar.php?id=4436

Jón Már Halldórsson. „Af hverju heita síamskettir því nafni ef þeir eru ekki fastir við neitt, eins og síamstvíburar?“ Vísindavefurinn. 3. ágú. 2004. Vefsíða. 28. apr. 2024. <http://visindavefur.is/svar.php?id=4436>.

Chicago | APA | MLA

Þessi síða notar vafrakökur Nánari upplýsingar

Ég samþykki
Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Af hverju heita síamskettir því nafni ef þeir eru ekki fastir við neitt, eins og síamstvíburar?
Heiti síamskatta er dregið af hinu forna konungsríki Síam sem í dag nefnist Tæland. Síamstvíburar draga einnig nafn sitt af Síam eins og lesa má um í svari við spurningunni Hvernig verða síamstvíburar til og hvaðan kemur þetta heiti? en fyrir utan það eru tengslin á milli kattanna og tvíburanna engin. Síamskettir voru til forna ræktaðir fyrir konunga í Síam og haldnir í höllum þeirra um aldir.



Af heimildum frá Suður-Rússlandi að dæma hafa síamskettir verið fluttir þangað á 18. öld en ekkert er vitað um afdrif þeirra. Á 19. öld var aftur tekið að flytja út síamsketti og sendiherra Breta í Síam fékk til að mynda nokkra ketti að gjöf þegar hann flutti aftur heim til Englands. Fljótlega eftir að þeir komu til nýrra heimkynna urðu síamskettirnir og afkomendur þeirra afar vinsælir á kattasýningum og teljast nú vera meðal fínustu ræktunarafbrigða á Vesturlöndum.

Árið 1902 var á Englandi stofnað fyrsta félagið um ræktun á síamsköttum og bar það nafnið Siamese Cat Fancier's Club og í Bandaríkjunum var komið á fót samtökunum The Siamese Cat Society of America. Í kjölfarið voru settir staðlar fyrir ræktun á síamsköttum.

Síamskettir eru taldir vera elsta ræktunarafbrigði katta í heiminum og eru þeir sérstakir að mörgu leyti. Þeir þykja hafa göfugt og dulúðugt útlit og margt í atferli þeirra er ólíkt köttum af öðrum ræktunarafbrigðum. Meðal annars eru tjáskipti þeirra þeirra afar frábrugðin öðrum kynjum. Að vísu mjálma þeir og mala líkt og aðrir kettir en raddblærinn er sagður vera nokkuð frábrugðinn öðrum köttum auk þess sem þeir mjálma mikið. Eigendur síamskatta hafa tekið eftir því að kettirnir virðast sýna einum fjölskyldumeðlim mikið traust og ástúð.

Mynd: The Balinese & Siamese Cat Club

...