Menn hafa lengi velt því fyrir sér hvort fílar hlaupi eða gangi þegar þeir fara hratt yfir. Þegar þeir eru á hraðferð er líkamsbeiting þeirra meira í ætt við hraða göngu en hlaup. Lengi vel var talið að fílsskrokkur þyldi ekki að hlaupa á sama hátt og önnur léttari dýr gera.
Ýmsir náttúrfræðingar hafa þó hrakið þessa staðhæfingu því vitni hafa séð fíla hlaupa eða hreyfa sig þannig að einungis ein löpp snertir jörðu við sérstakar kringumstæður. Þetta gerist til dæmis þegar tarfar gera árás á dýr eða menn sem þeir telja að ógni sér.
Afrískur skógarfíll á röskri göngu
Ýmsar mælingar hafa verið gerðar á þessum göngu- eða hlaupahraða. Þannig sýna mælingar frá Asíu að fílar geta náð allt að 24 km hraða á klukkustund, en þeir halda honum ekki nema fáeina tugi metra. Náttúrufræðingar sem hafa lagt það á sig að mæla hraða fíla í náttúrunni telja að fílar fari sjaldnast á meira en 12 til 15 km hraða á klukkustund nema þegar þeir gera árás.
Á Vísindavefnum er að finna fjöldamörg svör um fíla, meðal annars:
Hér getur þú sent okkur nýjar spurningar um vísindaleg efni.
Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar
um mikilvæg efni eru líklegastar til að kalla fram vönduð og greið svör. Ekki er víst að tími vinnist til að
svara öllum spurningum.
Persónulegar upplýsingar um spyrjendur eru eingöngu notaðar í starfsemi vefsins, til dæmis til að
svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki
nægileg deili á sér.
Spurningum sem eru ekki á verksviði vefsins er eytt.
Að öðru leyti er hægt að spyrja Vísindavefinn um allt milli himins og jarðar!
Sólin
Rís 05:12 • sest 21:41
Tunglið
Rís 00:00 • Sest 00:00
Flóð
Árdegis: 08:09 • Síðdegis: 20:27
Fjara
Árdegis: 02:12 • Síðdegis: 14:14
