Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvenær var holtasóley kosið þjóðarblóm?

Árið 2004 vann starfshópur á vegum landbúnaðarráðherra, í samvinnu við menntamálaráðherra, samgönguráðherra og umhverfisráðherra, að því að velja þjóðarblóm Íslendinga. Tilgangur verkefnisins var að velja blóm sem gæti haft táknrænt gildi og þjónaði hlutverki sem sameiningartákn, blóm sem nýta mætti í kynningar- og fræðslustarfi bæði hér á landi og á erlendum vettvangi.

Verkefnastjórnin fól Landvernd og Morgunblaðinu að standa fyrir opinni skoðanakönnun í þeim tilgangi að fá fram viðhorf Íslendinga til málsins. Könnunin fór fram dagana 1.-15. október 2004 bæði á Netinu og með póstlögðum atkvæðaseðlum sem birtust í Morgunblaðinu. Tilgreind voru sjö blóm sem þátttakendur gátu gefið einkunn á bilinu 0-6 stig eftir því hversu vel þeim þótti blómin til þess fallin að hljóta titilinn þjóðarblóm Íslendinga.



Holtasóley Dryas octopetala.

Blómin sem valið stóð um voru blágresi, blóðberg, geldingahnappur, gleym-mér-ei, holtasóley, hrafnafífa og lambagras. Vorið áður höfðu verið kynntar tuttugu tillögur að þjóðarblómi en eftir nánari umfjöllun og ábendingar sem fram komu frá skólum landsins var ákveðið að þrengja hringinn um þessi sjö blóm.

Niðurstaða könnunarinnar var kynnt á sérstökum þjóðarblómsfundi í Salnum í Kópavogi 22. október 2004 að viðstöddum forseta Íslands og landbúnaðarráðherra. Niðurstaðan var sú að holtasóley varð fyrir valinu en skammt á hæla hennar komu gleym-mér-ei og blóðberg.

Heimildir og mynd:

Útgáfudagur

7.5.2010

Spyrjandi

Steinunn Karlsdóttir

Höfundur

Tilvísun

EDS. „Hvenær var holtasóley kosið þjóðarblóm?“ Vísindavefurinn, 7. maí 2010. Sótt 30. september 2016. http://visindavefur.is/svar.php?id=55649.

EDS. (2010, 7. maí). Hvenær var holtasóley kosið þjóðarblóm? Vísindavefurinn. Sótt af http://visindavefur.is/svar.php?id=55649

EDS. „Hvenær var holtasóley kosið þjóðarblóm?“ Vísindavefurinn. 7. maí. 2010. Vefsíða. 30. sep. 2016. <http://visindavefur.is/svar.php?id=55649>.

Chicago | APA | MLA

Sendu inn spurningu
eða

Vísindadagatalið

Fingrafar

Sú kenning að engin tvö fingraför séu eins er komin frá Englendingnum Francis Galton (1822–1911). Hann reiknaði út að til væru að minnsta kosti 64 milljarðar afbrigða af fingraförum. Rannsóknir hafa sýnt að fingraför eru að mestu fullmótuð á 5 mánaða gömlu fóstri og þau haldast óbreytt alla ævina, þó að mynstrið stækki vitanlega á fyrstu æviárunum.