Er orðið „mæma“ til í íslensku?

Svar

Þessari spurningu er erfitt að svara annaðhvort játandi eða neitandi. Að baki liggur enska sögnin mime sem borin er fram /maIm/ í merkingunni ‛leika látbragðsleik, herma eftir’. Sögnin mæma er löguð að henni, rituð samkvæmt íslenskum ritvenjum og borin fram með íslenskum sérhljóðum. Sumir telja án efa að hún sé enskusletta og því ekki æskileg, aðrir að hér sé um aðlagað aðkomuorð að ræða. Sögnin mæma er það ung í málinu að hún hefur ekki komist í orðabækur en fáein dæmi fundust við leit í Google.


Látbragðsleikarinn Marcel Marceau.
Frekara lesefni á Vísindavefnum:

• Hver er munurinn á slettum, slangri og tökuorðum? eftir Guðrúnu Kvaran
• Hver fann upp orðið sprell? eftir Guðrúnu Kvaran
• Ég lenti í hörkurifrildi við vin minn vegna orðsins 'að fíla'. Getið þið sagt okkur hver sé uppruni þess og hvort það sé íslenskt? eftir Guðrúnu Kvaran
• Hvernig er hægt að skilgreina íslenska tungu? eftir Eirík Rögnvaldsson

Mynd:

• AP. Sótt 16.6.2011.