Samkvæmt Íslenskri orðabók (2002:1782) er orðið vöðvi notað um knippi af sérhæfðum vöðvafrumum sem geta dregist saman og slaknað til að hreyfa líkamann. Þetta á bæði við um menn og dýr. Kjöt er notað um hold, einkum vöðva.
Ekki er mikill munur á notkun þessara tveggja orða. Við förum til dæmis út í búð til að kaupa nautakjöt. "Hvaða stykki viltu?" spyr afgreiðslumaðurinn. "Innanlærisvöðva", er ef til vill svarið og við förum heim með slíkt kjöt. Innanlærisvöðvinn er þarna ákveðið kjötstykki af nautinu, tiltekinn vöðvi.
Á kjötmarkaði.
Talað er um innanlærisvöðva á fólki rétt eins og á dýrum. Íþróttaþjálfarar leggja til dæmis kapp á að hlauparar teygi innanlærisvöðvana og sagt er að menn séu vöðvamiklir eða vöðvarýrir. Hægt er að segja um mann að hann sé svo horaður að hann hafi varla kjöt á beinunum. Þá er átt við að hann sé afar vöðvarýr þannig að jafnvel megi telja í honum rifin.
Nautakjöt, lambakjöt, svínakjöt og kjúklingakjöt eru almenn orð yfir kjöt af nauti, lambi, svíni og kjúklingi. Súpukjöt er aldrei kallað vöðvi enda ekki um ákveðinn vöðva að ræða á sama hátt og innanlærisvöðvann áðan. En auðvitað er kjötið á súpukjötsbitunum hlutar af vöðva dýrsins.
Á Vísindavefnum má lesa meira um vöðva, til dæmis í svörum við spurningunum:
Hér getur þú sent okkur nýjar spurningar um vísindaleg efni.
Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar
um mikilvæg efni eru líklegastar til að kalla fram vönduð og greið svör. Ekki er víst að tími vinnist til að
svara öllum spurningum.
Persónulegar upplýsingar um spyrjendur eru eingöngu notaðar í starfsemi vefsins, til dæmis til að
svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki
nægileg deili á sér.
Spurningum sem eru ekki á verksviði vefsins er eytt.
Að öðru leyti er hægt að spyrja Vísindavefinn um allt milli himins og jarðar!
Sólin
Rís 05:12 • sest 21:41
Tunglið
Rís 00:00 • Sest 00:00
Flóð
Árdegis: 08:09 • Síðdegis: 20:27
Fjara
Árdegis: 02:12 • Síðdegis: 14:14
