Næst hæsta mannvirki á Íslandi er mastur fjarskiptastöðvarinnar í Grindavík (Naval Radio Transmitter Facility) sem bandaríski herinn lét reisa. Möstrin eru raunar tvö, það hærra er 304,8 m en það lægra er 243 m. Það mætti segja að þessi möstur séu í öðru og þriðja sæti en hér eru þau talin sem eitt mannvirki. Þriðja hæsta mannvirkið er þá langbylgjumastur á Eiðum sem er 220 m hátt. Í fjórða sæti kemur svo reykháfurinn á lóð Fjarðaáls á Reyðarfirði sem er 78 m hár. Í fimmta sæti er svo 20 hæða háhýsi við Smáratorg í Kópavogi sem í daglegu tali gengur undir heitinu Turninn og er 77,6 m hátt. Heimildir:
- Hallgrímskirkja á Wikipedia.
- Naval Radio Transmitter Facility Grindavik - Wikipedia, the free encyclopedia.
- Hæstu mannvirki á Íslandi - bookiceland.is.
Þetta svar er í flokknum "bekkirnir spyrja" þar sem starfsfólk vefsins svarar spurningum frá grunnskólabekk í kennslustund, samkvæmt samningi. Lögð er áhersla á skjót svör, stutt og aðgengileg. Oft er byggt á öðrum svörum sem kunna að nýtast almennum lesendum betur.