Sólin Sólin Rís 09:11 • sest 17:10 í Reykjavík
Tunglið Tunglið Rís 16:39 • Sest 02:05 í Reykjavík
Flóð Flóð Árdegis: 02:47 • Síðdegis: 15:09 í Reykjavík
Fjaran Fjara Árdegis: 09:00 • Síðdegis: 21:33 í Reykjavík
Sólin Sólin Rís 09:11 • sest 17:10 í Reykjavík
Tunglið Tunglið Rís 16:39 • Sest 02:05 í Reykjavík
Flóð Flóð Árdegis: 02:47 • Síðdegis: 15:09 í Reykjavík
Fjaran Fjara Árdegis: 09:00 • Síðdegis: 21:33 í Reykjavík
LeiðbeiningarTil baka

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=
Forsíða Hugvísindi Bókmenntir og listir Hvenær fæddist Astrid Lindgren og hvað hefur hún skrifað margar bækur?

Flokkun:

20.9.2001
Hugvísindi Bókmenntir og listir

Hvenær fæddist Astrid Lindgren og hvað hefur hún skrifað margar bækur?

Ólafur Páll Jónsson

Hér er hægt að hlusta á lög úr bíómyndum sem gerðar hafa verið eftir sögum Astridar Lindgren.

Astrid Lindgren fæddist þann 14. nóvember árið 1907 á bænum Näs nálægt Vimmerby í Smálöndum í Svíþjóð.En þá hét hún ekki Astrid Lindgren heldur Astrid Anna Emilia Ericsson. Það var ekki fyrr en árið 1931, þegar Astrid hafði búið í Stokkhólmi í fimm ár, að hún giftist og tók upp ættarnafnið Lindgren. Hún lést í Stokkhólmi þann 28. janúar 2002, 94 ára að aldri.

Astrid byrjaði ekki að skrifa barnabækur fyrr en hún var orðin rúmlega þrítug. Fyrstu sögurnar voru um Línu langsokk, og raunar urðu þær til öldungis án þess að til stæði að gefa þær út. Þannig vildi til að Karen, sem var seinna barn Astridar, veiktist og bað mömmu sína að segja sér sögur um Línu. Og þá spann Astrid upp hverja söguna af annarri af þessari skemmtilega kenjóttu stelpu. Þetta var árið 1941.

En Lína langsokkur mátti bíða enn nokkra stund eftir frægðinni. Það var ekki fyrr en þrem árum síðar að Astrid veiktist sjálf og mátti liggja í rúminu í heila viku að hún fór að skrifa sögurnar niður. Þær komu svo út ári síðar og hlutu strax afbragðs viðtökur. Og nú komu sögurnar frá Astrid Lingren ein af annarri, leynilögreglumaðurinn Karl Blómkvist varð til árið 1946 og ári síðar fann Astrid börnin í Ólátagarði. Og áður en varði var hún orðin mikilvirkur barnabókahöfundur.

Árið 1958 fékk Astrid Lindgren orðu H.C. Andersens, en það er helsta viðurkenning barnabókahöfunda í heiminum, og þó átti hún þá óskrifaðar margar af sínum vinsælustu sögum, eins og Emil í Kattholti, Bróður minn Ljónshjarta og Ronju ræningjadóttur.

Astrid Lindgren skrifaði samtals 40 barnabækur og fjöldann allan af myndabókum. Um 40 kvikmyndir og sjónvarpsþættir hafa verið gerðir eftir sögum Astrid Lindgren. Fjölmörg leikrit eða leikgerðir hafa verið samin eftir verkum hennar og sett á svið.

Af bókum hennar sem komið hafa út á íslensku má nefna:

Lína Langsokkur

Leynilögreglumaðurinn Karl Blómkvist

Börnin í Ólátagarði

Kata í Ameríku

Börnin í Skarkalagötu

Elsku Míó minn

Litli bróðir og Kalli á þakinu

Rasmus fer á flakk

Þýtur í laufi

Madditt

Emil í Kattholti

Á Saltkráku

Bróðir minn Ljónshjarta

Ronja ræningjadóttir



Skoðið einnig skyld svör:

Heimild

Heimasíða um ævi og störf Astridar Lindgren.



Mynd: Vefsetur aðdáanda um Astrid Lindgren

Höfundur

Ólafur Páll Jónsson

Ólafur Páll Jónsson

prófessor í heimspeki við HÍ

Útgáfudagur

20.9.2001

Spyrjandi

Súsanna María, f. 1989

Efnisorð

Tilvísun

Ólafur Páll Jónsson. „Hvenær fæddist Astrid Lindgren og hvað hefur hún skrifað margar bækur?“ Vísindavefurinn, 20. september 2001, sótt 1. nóvember 2025, https://visindavefur.is/svar.php?id=1876.

Ólafur Páll Jónsson. (2001, 20. september). Hvenær fæddist Astrid Lindgren og hvað hefur hún skrifað margar bækur? Vísindavefurinn. https://visindavefur.is/svar.php?id=1876

Ólafur Páll Jónsson. „Hvenær fæddist Astrid Lindgren og hvað hefur hún skrifað margar bækur?“ Vísindavefurinn. 20. sep. 2001. Vefsíða. 1. nóv. 2025. <https://visindavefur.is/svar.php?id=1876>.

Chicago | APA | MLA

Þessi síða notar vafrakökur Nánari upplýsingar

Ég samþykki

Senda grein til vinar

=

Hvenær fæddist Astrid Lindgren og hvað hefur hún skrifað margar bækur?
Hér er hægt að hlusta á lög úr bíómyndum sem gerðar hafa verið eftir sögum Astridar Lindgren.

Astrid Lindgren fæddist þann 14. nóvember árið 1907 á bænum Näs nálægt Vimmerby í Smálöndum í Svíþjóð.En þá hét hún ekki Astrid Lindgren heldur Astrid Anna Emilia Ericsson. Það var ekki fyrr en árið 1931, þegar Astrid hafði búið í Stokkhólmi í fimm ár, að hún giftist og tók upp ættarnafnið Lindgren. Hún lést í Stokkhólmi þann 28. janúar 2002, 94 ára að aldri.

Astrid byrjaði ekki að skrifa barnabækur fyrr en hún var orðin rúmlega þrítug. Fyrstu sögurnar voru um Línu langsokk, og raunar urðu þær til öldungis án þess að til stæði að gefa þær út. Þannig vildi til að Karen, sem var seinna barn Astridar, veiktist og bað mömmu sína að segja sér sögur um Línu. Og þá spann Astrid upp hverja söguna af annarri af þessari skemmtilega kenjóttu stelpu. Þetta var árið 1941.

En Lína langsokkur mátti bíða enn nokkra stund eftir frægðinni. Það var ekki fyrr en þrem árum síðar að Astrid veiktist sjálf og mátti liggja í rúminu í heila viku að hún fór að skrifa sögurnar niður. Þær komu svo út ári síðar og hlutu strax afbragðs viðtökur. Og nú komu sögurnar frá Astrid Lingren ein af annarri, leynilögreglumaðurinn Karl Blómkvist varð til árið 1946 og ári síðar fann Astrid börnin í Ólátagarði. Og áður en varði var hún orðin mikilvirkur barnabókahöfundur.

Árið 1958 fékk Astrid Lindgren orðu H.C. Andersens, en það er helsta viðurkenning barnabókahöfunda í heiminum, og þó átti hún þá óskrifaðar margar af sínum vinsælustu sögum, eins og Emil í Kattholti, Bróður minn Ljónshjarta og Ronju ræningjadóttur.

Astrid Lindgren skrifaði samtals 40 barnabækur og fjöldann allan af myndabókum. Um 40 kvikmyndir og sjónvarpsþættir hafa verið gerðir eftir sögum Astrid Lindgren. Fjölmörg leikrit eða leikgerðir hafa verið samin eftir verkum hennar og sett á svið.

Af bókum hennar sem komið hafa út á íslensku má nefna:

Lína Langsokkur

Leynilögreglumaðurinn Karl Blómkvist

Börnin í Ólátagarði

Kata í Ameríku

Börnin í Skarkalagötu

Elsku Míó minn

Litli bróðir og Kalli á þakinu

Rasmus fer á flakk

Þýtur í laufi

Madditt

Emil í Kattholti

Á Saltkráku

Bróðir minn Ljónshjarta

Ronja ræningjadóttir



Skoðið einnig skyld svör:

Heimild

Heimasíða um ævi og störf Astridar Lindgren.



Mynd: Vefsetur aðdáanda um Astrid Lindgren...