Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvað heitir sólin í næsta sólkerfi?

Þessu er ekki hægt að svara ennþá. Menn hafa á síðasta áratug eða svo verið að finna sífellt fleiri reikistjörnur eða merki um þær við nokkra tugi sólstjarna í nágrenni við sólkerfið okkar. Þar með segjum við að sólstjörnurnar sem um er að ræða séu í sólkerfi.

Leitaraðferðirnar eru hins vegar ekki fullkomnari en svo að við finnum aðeins sumar reikistjörnur, til dæmis þær massamestu, og gerum alls ekki ráð fyrir að hafa fundið allar plánetur á einhverju tilteknu svæði. Til að mynda er eins víst að fleiri reikistjörnur séu í fundnum sólkerfum en þær sem við höfum þegar fundið, og eins getur vel verið að reikistjörnur séu við tiltekna sólstjörnu þó að við höfum ekki fundið þær ennþá.

Ef við finnum reikistjörnu við þá sólstjörnu sem er næst okkur, Proxima í Mannfáknum, þá getum við þar með sagt að þar sé næsta sólkerfið. Til þess að geta sagt að næsta sólkerfið sé við einhverja aðra sólstjörnu þyrftum við að geta útilokað að reikistjörnur væru við þær sólstjörnur sem eru nær okkur en hún. Þekking okkar að svo stöddu leyfir ekki slíkar ályktanir.

Sjá einnig svar sama höfundar við spurningunni: Hvað heitir stærsta pláneta í heimi?, og svar Tryggva Þorgeirssonar við spurningunni: Hvernig er leitað að reikistjörnum utan sólkerfisins?

Útgáfudagur

2.11.2000

Spyrjandi

Ísak Andri Ólafsson

Höfundur

Þorsteinn Vilhjálmsson

prófessor emeritus, ritstjóri Vísindavefsins 2000-2010 og ritstjóri Evrópuvefsins 2011

Tilvísun

ÞV. „Hvað heitir sólin í næsta sólkerfi?“ Vísindavefurinn, 2. nóvember 2000. Sótt 24. nóvember 2017. http://visindavefur.is/svar.php?id=1073.

ÞV. (2000, 2. nóvember). Hvað heitir sólin í næsta sólkerfi? Vísindavefurinn. Sótt af http://visindavefur.is/svar.php?id=1073

ÞV. „Hvað heitir sólin í næsta sólkerfi?“ Vísindavefurinn. 2. nóv. 2000. Vefsíða. 24. nóv. 2017. <http://visindavefur.is/svar.php?id=1073>.

Chicago | APA | MLA

Sendu inn spurningu
eða

Vísindadagatalið

Fallhlíf

Fallhlíf er útbúnaður sem dregur úr fallhraða manns eða hlutar í lofti. Fyrstu fallhlífarnar urðu til í lok 18. aldar og þá varð fallhlífarstökk úr loftbelgjum vinsælt sýningaratriði. Fallhlífar hafa einnig verið notaðar til að draga úr hraða geimfara og flugvéla í lendingu en þær er ekki hægt að nota þar sem ekkert loft er, eins og t.d. á tunglinu.