Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvers vegna er sagt að ekki sé líf á öðrum hnöttum?

Eins og eðlilegt er hefur mikið verið spurt um þessi efni hér á Vísindavefnum og er hér með einnig svarað eftirfarandi spurningum:

Eru til einhverjar sannanir fyrir því að vitsmunalíf þrífist úti í alheimnum? (Hinrik Bergs)

Hvers vegna er talið að það sé ekkert líf í þessu sólkerfi nema á jörðinni? (Árný Yrsa)

Hvaða rök hafið þið fyrir því að það sé alls engin lífvera á Mars eða einhverjum öðrum plánetum í sólkerfinu þegar það er ekki búið að rannsaka allar pláneturnar alveg? (Karitas Helga)

Hvers vegna er sagt að ekki sé líf á öðrum plánetum? (Jón Auðunn Haraldsson)

Eru til aðrar lífverur á öðrum hnöttum? (Harpa Rún Eysteinsdóttir)

Við vitum ekki glöggt hverjir halda því fram að alls ekki geti verið líf á öðrum hnöttum. Raunvísindamenn gera yfirleitt fyllilega ráð fyrir þeim möguleika þó að ekki hafi ennþá fundist skýr merki um líf utan jarðar. Aðstandendur Vísindavefsins eru sömu skoðunar og hafa sett hana fram í nokkrum svörum hér á vefnum.

Ef einhverjir hópar manna telja sig vita að hvergi sé líf úti í geimnum, þá gæti verið að það tengdist einhverjum tilteknum trúarbrögðum. Slík afstaða er hins vegar engan veginn vísindaleg því að vísindin forðast einmitt að fullyrða eitthvað um það sem ekki er vitað á hverjum tíma.

Margir virðast halda að vísindamenn almennt telji einhvern veginn fyrir fram útilokað að líf sé úti í geimnum. Þetta kann að stafa af því að vísindamenn benda statt og stöðugt á þá staðreynd að örugg merki um þetta líf hafa enn ekki fundist og neita að taka mark á sögusögnum eða óstaðfestum fregnum þar að lútandi. Þessu má þó alls ekki rugla saman við þá fullyrðingu að líf sé alls ekki til í geimnum eða að það muni aldrei finnast! Þess konar fullyrðing er víðs fjarri flestum vísindamönnum.

Fleiri svör um sama efni:

Útgáfudagur

12.11.2000

Spyrjandi

Ólafur Gíslason, fæddur 1981

Höfundur

Þorsteinn Vilhjálmsson

prófessor emeritus, ritstjóri Vísindavefsins 2000-2010 og ritstjóri Evrópuvefsins 2011

Tilvísun

Þorsteinn Vilhjálmsson. „Hvers vegna er sagt að ekki sé líf á öðrum hnöttum?“ Vísindavefurinn, 12. nóvember 2000. Sótt 17. júlí 2018. http://visindavefur.is/svar.php?id=1121.

Þorsteinn Vilhjálmsson. (2000, 12. nóvember). Hvers vegna er sagt að ekki sé líf á öðrum hnöttum? Vísindavefurinn. Sótt af http://visindavefur.is/svar.php?id=1121

Þorsteinn Vilhjálmsson. „Hvers vegna er sagt að ekki sé líf á öðrum hnöttum?“ Vísindavefurinn. 12. nóv. 2000. Vefsíða. 17. júl. 2018. <http://visindavefur.is/svar.php?id=1121>.

Chicago | APA | MLA

Sendu inn spurningu
eða

Vísindadagatalið

Stöðumælar

Fyrsti stöðumælirinn var settur upp í Oklahómaborg 16. júlí 1935. Hann gekk undir nafninu Svarta María. Bandarísku verkfræðingarnir Holger George Thuesen og Gerald A. Hale hönnuðu stöðumælinn. Hann tók litlum breytingum næstu 40 árin. Fyrstu stöðumælarnir í Reykjavík voru teknir í notkun 1957.