Sólin
Rís 05:43 • sest 21:13
Tunglið
Rís 13:37 • Sest 06:11
Flóð
Árdegis: 02:59 • Síðdegis: 15:47
Fjara
Árdegis: 09:39 • Síðdegis: 21:50
Svokölluð innrauð sjón (nætursjón) þekkist meðal nokkurra tegunda snáka af ættinni Crotalidae. Þetta eru meðal annars tegundir af ættkvíslunum Sistrutus og Crotalus sem í daglegu tali eru kallaðar skröltormar eða skellinöðrur og fyrirfinnast í Ameríku. Helstu einkenni þessara snáka eru samlæstar hornplötur á halanum sem skrölta ef halinn er hristur. Meðalstærð fullorðinna skröltorma er á bilinu 90 til 120 cm. Þá er helst að finna á eyðimerkursvæðum og graslendi í Suðurríkjum Bandaríkjanna. Á þessum snákum eru lítil líffæri fyrir neðan augun sem eru nokkurs konar holur þaktar að innan með milljónum hitanema. Hlutverk þessa skynfæris er að greina varmauppstreymi í umhverfi snáksins. Þannig getur hann greint fjarlægð til hlutarins, stærð hans og lögun. Þetta gefur snákum möguleika á að stunda veiðar að næturlagi, þegar sjónskynjunin getur ekki nýst til að greina bráð.
