Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Af hverju er hundum svona illa við póstburðarfólk og hvað er til ráða?

Hér má spyrja á móti: Hvað annað ætti þeim að vera illa við eða hvers vegna ætti þeim ekki að vera illa við bréfbera?

Hundum af mörgum deilitegundum eða kynþáttum er illa við ókunnuga. Forfeður þeirra og formæður hafa verið tamdir meðal annars með það í huga að þeir ættu að gera viðvart um mannaferðir og jafnvel verjast þeim. En við sjáum hins vegar að margir af þessum hundum „leggja niður rófuna” ef þeim er sýnd ofurlítil athygli.

Í mörgum tilvikum í borgum nútímans eru bréfberarnir þeir menn sem hundurinn mætir oftast, en þó kemur oft nýr maður í þessu hlutverki. Það virðist því alls ekkert undarlegt þegar að er gáð, að hundum af ýmsum kynþáttum sé einmitt illa við bréfbera.

Við erum ósköp fegin að spyrjandi spurði ekki í framhaldi af þessu af hverju bréfberar í sumum löndum eru rauðklæddir. Skyldi rauði liturinn ekki hafa sömu áhrif á hunda eins og menn og líklega naut og ýmis önnur dýr, að æsa þá upp? Hér spyr sá sem ekki veit!

Skoðið einnig önnur svör um hunda:

Af hverju eru hundar stundum grimmir og stundum góðir?

Hver er árásargjarnastur hunda?

Útgáfudagur

23.5.2001

Spyrjandi

Steingrímur Guðjónsson

Höfundur

Þorsteinn Vilhjálmsson

prófessor emeritus, ritstjóri Vísindavefsins 2000-2010 og ritstjóri Evrópuvefsins 2011

Tilvísun

ÞV. „Af hverju er hundum svona illa við póstburðarfólk og hvað er til ráða?“ Vísindavefurinn, 23. maí 2001. Sótt 24. október 2018. http://visindavefur.is/svar.php?id=1638.

ÞV. (2001, 23. maí). Af hverju er hundum svona illa við póstburðarfólk og hvað er til ráða? Vísindavefurinn. Sótt af http://visindavefur.is/svar.php?id=1638

ÞV. „Af hverju er hundum svona illa við póstburðarfólk og hvað er til ráða?“ Vísindavefurinn. 23. maí. 2001. Vefsíða. 24. okt. 2018. <http://visindavefur.is/svar.php?id=1638>.

Chicago | APA | MLA

Sendu inn spurningu
eða

Vísindadagatalið

Ari Ólafsson

1950

Ari Ólafsson er dósent í tilraunaeðlisfræði við Raunvísindadeild Háskóla Íslands. Rannsóknaviðfangsefni Ara snúa öll að ljósfræði.