Vísindavefurinn: Hvaða tungumál er mest talað í heiminum í dag?

Þessi síða notar vafrakökur Nánari upplýsingar

Sendu inn spurningu Leiðbeiningar Til baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

Senda grein til vinar

Nafn þitt

Netfang þitt

Netfang móttakanda

Ruslpóstvörn =

Svar

Hvaða tungumál er mest talað í heiminum í dag?
Kínverska mun vera það tungumál sem flestir tala í heiminum. Á að giska fjórðungur jarðarbúa, eða hátt á annan milljarð manna, mun tala einhverja kínverska mállýsku. Meginmállýskurnar eru fimm og er svo mikill munur á þeim að málnotendur af mismunandi mállýskum skilja ekki hvor annan. Þó eru þessar mállýskur ekki taldar sérstök mál heldur hluti af kínversku. Ein meginorsök þess er að allir læsir Kínverjar nota og geta lesið sömu orðaskriftina óháð því hvaða mállýsku þeir tala.

Á að giska fjórðungur jarðarbúa talar einhverja kínverska mállýsku.

Enska er móðurmál um 350 milljóna manna og um 400 milljónir eru taldar nota ensku sem annað mál samhliða móðurmáli. Þá er ekki átt við þá sem læra ensku í skóla og bjargast við hana á ferðalögum eða í samskiptum við aðrar þjóðir. Enskan er nú talin vera opinbert mál í um 60 löndum og er útbreiddasta menningarmál heims.

Um tungumál má lesa meira í bók Baldurs Ragnarssonar. Tungumál. Reykjavík, Háskólaútgáfan 1999.

Sjá einnig:

Hversu mörg tungumál eru notuð í heiminum í dag?

Hvers vegna er ekki bara eitt tungumál í heiminum?

Hvaða tungumál er talið það flóknasta í heimi og hvað eru tungumálin mörg?

Hvert er það tungumál í heimi sem fæstir tala?

Hvað er móðurmál?

Mynd: Vefsetur um kínverskt letur: zhongwen.com

...